Follow on Google News
മുംബൈ: കായിക ഇനങ്ങളിൽ സ്ത്രീകളും പുരുഷന്മാരും തമ്മിലുള്ള തരംതിരിവ് ആവശ്യമാണെന്ന് ബാഡ്മിന്റൺ താരം സൈന നെഹ്വാൾ (Saina Nehwal Statement). പുരുഷന്മാർക്ക് ശാരീരികമായി സ്ത്രീകളേക്കാൾ കൂടുതൽ കരുത്തുണ്ടാകാമെന്നും അത് മത്സരങ്ങളിൽ മേധാവിത്വം നൽകാൻ കാരണമായേക്കാമെന്നും സൈന ചൂണ്ടിക്കാട്ടി.
പുരുഷന്മാർ ശാരീരികമായി കൂടുതൽ ശക്തരായിരിക്കാം. അവർക്ക് കൂടുതൽ വേഗതയുണ്ടാകാം, കഠിനമായി പന്ത് അടിക്കാനും (Hit) ഉയരത്തിൽ ചാടാനും കഴിഞ്ഞേക്കാം. കായികരംഗത്ത് പുരുഷ സിംഗിൾസ്, വനിതാ സിംഗിൾസ് എന്നിങ്ങനെ മത്സരങ്ങൾ വിഭജിക്കപ്പെട്ടിരിക്കുന്നത് ഈ ശാരീരിക വ്യത്യാസങ്ങൾ കണക്കിലെടുത്താണെന്ന് സൈന പറഞ്ഞു.
കായികരംഗത്തെ ലിംഗമാറ്റം സംബന്ധിച്ച ചോദ്യങ്ങൾ വളരെ ബുദ്ധിമുട്ടുള്ളതാണെന്നും ഇതിൽ ആഴത്തിലുള്ള പഠനവും ധാരണയും ആവശ്യമാണെന്നും സൈന പ്രതികരിച്ചു. താൻ കായികരംഗത്തേക്ക് എത്തിയ കാലത്ത് ഇത്തരം ചർച്ചകൾ സജീവമായിരുന്നില്ലെന്നും താരം കൂട്ടിച്ചേർത്തു.
ലിംഗമാറ്റം നടത്തിയ കായികതാരങ്ങൾ വനിതാ വിഭാഗത്തിൽ മത്സരിക്കുന്നതിനെച്ചൊല്ലി ആഗോളതലത്തിൽ വലിയ ചർച്ചകൾ നടക്കുമ്പോഴാണ് സൈനയുടെ ഈ പ്രതികരണം ശ്രദ്ധേയമാകുന്നത്.
Story Summary: Olympic medalist Saina Nehwal emphasized the need for gender division in sports, stating that biological differences in strength and speed give men a physical advantage. Addressing transgender participation, she noted it is a complex issue requiring deep understanding.
