Follow on Google News
തിരുവനന്തപുരം: സംസ്ഥാനത്ത് മയക്കുമരുന്ന് മാഫിയയെ തുരത്താൻ ലക്ഷ്യമിട്ടുള്ള ‘ഓപ്പറേഷൻ ഡി-ഹണ്ട്’ (Operation D-Hunt) സ്പെഷ്യൽ ഡ്രൈവിൽ വ്യാപക അറസ്റ്റ്. മയക്കുമരുന്ന് വിൽപ്പനയുമായി ബന്ധമുണ്ടെന്ന് സംശയിക്കുന്ന 1168 പേരെ പോലീസ് പരിശോധനയ്ക്ക് വിധേയമാക്കി. നിരോധിത ലഹരിവസ്തുക്കൾ കൈവശം വച്ചതിന് 21 കേസുകൾ രജിസ്റ്റർ ചെയ്യുകയും 27 പേരെ അറസ്റ്റ് ചെയ്യുകയും ചെയ്തു.
പരിശോധനയിൽ മാരക ലഹരിമരുന്നായ എംഡിഎംഎ (5.76 ഗ്രാം), കഞ്ചാവ് (29.170 കി.ഗ്രാം), ഒമ്പത് കഞ്ചാവ് ബീഡികൾ എന്നിവ പോലീസ് കണ്ടെടുത്തു. നിരോധിത മരുന്നുകളുടെ സംഭരണവും വിതരണവും തടയാൻ എഡിജിപിയുടെ നേരിട്ടുള്ള മേൽനോട്ടത്തിലാണ് പരിശോധന നടക്കുന്നത്.
ലഹരിമരുന്ന് സംബന്ധിച്ച വിവരങ്ങൾ പൊതുജനങ്ങൾക്ക് കൈമാറാൻ 24 മണിക്കൂറും പ്രവർത്തിക്കുന്ന ആന്റി നർക്കോട്ടിക് കൺട്രോൾ റൂം (നമ്പർ: 9497927797) നിലവിലുണ്ട്. വിവരം നൽകുന്നവരുടെ പേരും മറ്റ് വിവരങ്ങളും അതീവ രഹസ്യമായി സൂക്ഷിക്കുമെന്ന് പോലീസ് അറിയിച്ചു.
സംസ്ഥാന തലത്തിൽ ആന്റി നർക്കോട്ടിക്സ് ഇന്റലിജൻസ് സെല്ലും എൻഡിപിഎസ് കോർഡിനേഷൻ സെല്ലും പ്രവർത്തനങ്ങൾ ഏകോപിപ്പിക്കുന്നുണ്ട്. മയക്കുമരുന്ന് ശൃംഖലകൾ പൂർണ്ണമായും തകർക്കുന്നത് വരെ പരിശോധനകൾ തുടരാനാണ് ആഭ്യന്തര വകുപ്പിന്റെ തീരുമാനം.
Story Summary:
As part of ‘Operation D-Hunt’, Kerala Police conducted a statewide crackdown on drug trafficking, arresting 27 individuals and registering 21 cases. Authorities seized significant quantities of MDMA and Ganja, while urging the public to report drug-related activities via their 24/7 dedicated helpline.
