Follow on Google News
മുംബൈ: പശ്ചിമേഷ്യയിൽ യുദ്ധം കൊടുമ്പിരിക്കൊള്ളുന്നതിനിടയിൽ അമേരിക്കയ്ക്കും പ്രസിഡന്റ് ഡൊണാൾഡ് ട്രംപിനും എതിരെ വിചിത്രമായൊരു ‘മീം യുദ്ധം’ പ്രഖ്യാപിച്ചിരിക്കുകയാണ് ഇറാൻ (Iran Mocks US Memes). ഹോളിവുഡ് ആക്ഷൻ സിനിമകളെ അനുസ്മരിപ്പിക്കുന്ന വെല്ലുവിളികൾക്ക് പകരം ഇന്ത്യൻ മീമുകളും ബോളിവുഡ് സിനിമകളിലെ രംഗങ്ങളും ഉപയോഗിച്ചാണ് ഇറാൻ നയതന്ത്ര കാര്യാലയങ്ങൾ അമേരിക്കയെ പരിഹസിക്കുന്നത്.
മുംബൈയിലെ ഇറാനിയൻ കോൺസുലേറ്റ് പങ്കുവെച്ച ഒരു വീഡിയോ ഇപ്പോൾ സോഷ്യൽ മീഡിയയിൽ തരംഗമാണ്. 2007-ൽ പുറത്തിറങ്ങിയ ‘ധമാൽ’ എന്ന ബോളിവുഡ് ചിത്രത്തിലെ റിതേഷ് ദേശ്മുഖിന്റെ പ്രശസ്തമായ കോമഡി രംഗമാണ് ഇതിനായി ഉപയോഗിച്ചത്. ചുമരുകളില്ലാത്ത വീടിന്റെ വാതിലിന് പിന്നിൽ ഒളിച്ചിരുന്ന് ശത്രുക്കളിൽ നിന്ന് രക്ഷപ്പെടാൻ ശ്രമിക്കുന്ന റിതേഷിന്റെ കഥാപാത്രത്തെ അമേരിക്കയായും പിന്തുടരുന്നവരെ ഇറാനായും ചിത്രീകരിച്ചിരിക്കുന്നു. “ഇന്ത്യൻ മീമുകൾ ഗോട്ട് (Greatest of All Time) ആണ്” എന്ന കുറിപ്പോടെയാണ് വീഡിയോ പങ്കുവെച്ചിരിക്കുന്നത്.
US blocking Strait of Hormuz that’s already blocked 🥶🤣 pic.twitter.com/wcYEBl3723
— HP_ClipStorm (@HINDUSTAN_PLUSE) April 13, 2026
നേരത്തെ ഷാരൂഖ് ഖാന്റെ പ്രശസ്തമായ ഡയലോഗും ഇറാൻ അമേരിക്കയെ പരിഹസിക്കാൻ ഉപയോഗിച്ചിരുന്നു. “ഇറാൻ നാവികസേന തകർന്നു എന്ന് ട്രംപ് അവകാശപ്പെടുന്നു, എന്നാൽ ഇപ്പോൾ അവർക്ക് കാര്യങ്ങൾ മനസ്സിലാകും. ഇത് ട്രെയിലർ മാത്രമാണ്, സിനിമ വരാനിരിക്കുന്നതേയുള്ളൂ (Abhi toh sirf trailer hai, picture abhi baaki hai)” എന്നായിരുന്നു കോൺസുലേറ്റിന്റെ ട്വീറ്റ്. ദക്ഷിണാഫ്രിക്കയിലെ ഇറാൻ എംബസിയും ട്രംപിനെ പരിഹസിക്കുന്ന മ്യൂസിക്കൽ വീഡിയോകൾ പങ്കുവെച്ചിട്ടുണ്ട്.
And today’s popular music: “blockade” by Trump. pic.twitter.com/7EYQ1nSTm7
— Iran Embassy SA (@IraninSA) April 13, 2026
ഇസ്ലാമാബാദിൽ നടന്ന അമേരിക്ക-ഇറാൻ സമാധാന ചർച്ചകൾ പരാജയപ്പെട്ടതിന് പിന്നാലെ ഇറാനിയൻ തുറമുഖങ്ങൾ ഉപരോധിക്കുമെന്ന് ട്രംപ് പ്രഖ്യാപിച്ചിരുന്നു. ഇതിനുള്ള മറുപടിയായാണ് ഇറാൻ ഇത്തരം നയതന്ത്ര പരിഹാസങ്ങൾ തൊടുത്തുവിടുന്നത്. അന്താരാഷ്ട്ര തലത്തിൽ ഊർജ്ജ വിതരണത്തെയും കപ്പൽ ഗതാഗതത്തെയും ഈ ഉപരോധം ബാധിക്കുമെന്ന ആശങ്ക നിലനിൽക്കുമ്പോഴാണ് ഈ മീം യുദ്ധം.
Summary: Iran has launched a “meme war” against the U.S. and Donald Trump following the collapse of peace talks and the announcement of a naval blockade on Iranian ports. The Iranian consulate in Mumbai shared a clip from the Bollywood film Dhamaal, calling Indian memes the “GOAT” (Greatest of All Time). They also used Shah Rukh Khan’s famous dialogue “Picture abhi baaki hai” to signal defiance. Iranian missions worldwide are using such strategic humor to mock U.S. naval pressure amidst escalating Middle East tensions.
