Follow on Google News
മലയാളിക്ക് കണിക്കൊന്ന വെറുമൊരു പൂവല്ല, സമൃദ്ധിയുടെയും ഐശ്വര്യത്തിന്റെയും പ്രതീകമാണ് (Vishu 2026). വിഷുക്കണിയിൽ കൊന്നപ്പൂവിന് ഈ സ്ഥാനം ലഭിച്ചതിനെക്കുറിച്ച് വടക്കൻ കേരളത്തിൽ പ്രചാരത്തിലുള്ള ഐതിഹ്യം ഭക്തിയും കൗതുകവും നിറഞ്ഞതാണ്.
ത്രേതായുഗത്തിൽ ശ്രീരാമൻ ബാലിയെ വധിച്ചത് ഒരു മരത്തിന്റെ പിന്നിൽ മറഞ്ഞുനിന്നാണെന്ന് പറയപ്പെടുന്നു. ആ മരം കൊന്നമരമായിരുന്നുവെന്നും അന്നുമുതൽ ‘ബാലിയെ കൊന്ന മരം’ എന്ന പേര് വന്ന് പിന്നീട് അത് ‘കൊന്ന’യായി മാറിയെന്നുമാണ് ഒരു കഥ. തന്റെ പേരിൽ വന്ന അപവാദത്തിൽ ദുഃഖിച്ച മരത്തിന് ഭഗവാൻ ശ്രീരാമൻ നൽകിയ അനുഗ്രഹമാണ് പിൽക്കാലത്ത് ഭഗവാനോടുള്ള സംഗമായി മാറിയത്.
കൊന്നപ്പൂക്കൾക്ക് സ്വർണ്ണവർണ്ണം ലഭിച്ചതിനെക്കുറിച്ച് ഗുരുവായൂരപ്പനുമായി ബന്ധപ്പെട്ട മറ്റൊരു കഥയുണ്ട്. ഉണ്ണിക്കണ്ണൻ തന്റെ ചങ്ങാതിയായ ഒരു ബാലന് തന്റെ കഴുത്തിലെ സ്വർണ്ണമാല സമ്മാനമായി നൽകി. മാല മോഷ്ടിച്ചതാണെന്ന് കരുതി ബാലനെ ശിക്ഷിക്കാൻ മുതിർന്നപ്പോൾ, പരിഭവിച്ച കുട്ടി ആ മാല പുറത്തേക്ക് വലിച്ചെറിഞ്ഞു. അത് ചെന്നു വീണത് അടുത്തുള്ള കൊന്നമരത്തിലാണ്. ആ മാല ഉടൻ തന്നെ സ്വർണ്ണവർണ്ണത്തിലുള്ള പൂക്കളായി മാറി ആ മരം മുഴുവൻ പൂത്തുലഞ്ഞു.
“ഈ പൂക്കളാൽ എന്നെ കണികാണുമ്പോൾ ഐശ്വര്യവും സമൃദ്ധിയും ഉണ്ടാകുമെന്നും, ദുഷ്കീർത്തി കേൾക്കേണ്ടി വരില്ലെന്നുമാണ്” അന്ന് ശ്രീകോവിലിൽ നിന്നും ഉയർന്ന അശരീരി.
ഈ ഐതിഹ്യങ്ങളാണ് കണിക്കൊന്നയെ മലയാളിയുടെ ഹൃദയത്തിൽ പവിത്രമായ സ്ഥാനത്ത് പ്രതിഷ്ഠിച്ചത്. വരും ദിവസങ്ങളിൽ വിഷു എത്തുമ്പോൾ ഈ പൊൻപൂക്കൾ വീണ്ടും നമ്മുടെ പൂമുഖങ്ങളിൽ ഐശ്വര്യം നിറയ്ക്കും.
Story Summary:
The golden Laburnum (Kanikkonna) holds a sacred place in Malayali hearts, especially during Vishu. Legends state that the name ‘Konna’ originated during the Ramayana era when Lord Rama hid behind it to slay Bali. Later, in Guruvayur, a small boy threw a gold necklace gifted by Lord Krishna onto a Konna tree, which instantly turned into golden flowers. Divine intervention declared that seeing these flowers on Vishu would bring prosperity and clear one of false accusations.
