കേരളത്തിന്റെ രാഷ്ട്രീയ ചരിത്രം തന്നെ മാറ്റിക്കുറിക്കുന്ന വിധിയായിരിക്കും ഇത്തവണത്തെ നിയമസഭാ തിരഞ്ഞെടുപ്പിലേതെന്ന് ട്വന്റി-20 ചീഫ് കോർഡിനേറ്റർ സാബു എം. ജേക്കബ്. എറണാകുളം ജില്ലയിൽ എൻഡിഎ സഖ്യം ആറ് സീറ്റുകളിൽ വിജയിക്കുമെന്ന് അദ്ദേഹം പറഞ്ഞു (Sabu M Jacob Twenty 20). കുന്നത്തുനാട് ട്വന്റി-20യുടെ കോട്ടയാണെന്നും കഴിഞ്ഞ തവണ സംഭവിച്ച പാളിച്ചകൾ ആവർത്തിക്കില്ലെന്ന വാശിയോടെയാണ് ഇത്തവണ പ്രവർത്തകർ രംഗത്തിറങ്ങിയിരിക്കുന്നതെന്നും വോട്ട് രേഖപ്പെടുത്തിയ ശേഷം അദ്ദേഹം മാധ്യമങ്ങളോട് പറഞ്ഞു.
ട്വന്റി-20 ഇത്തവണ രാജ്യത്തെ ഭരണകക്ഷിയായ ബിജെപിയുടെ നേതൃത്വത്തിലുള്ള എൻഡിഎയുടെ ഭാഗമായാണ് മത്സരിക്കുന്നത്. ഈ സഖ്യം കേരളത്തിലുടനീളം എൻഡിഎയ്ക്ക് വലിയ മുന്നേറ്റമുണ്ടാക്കാൻ സഹായിക്കുമെന്നും വോട്ട് വിഹിതം വർദ്ധിപ്പിക്കുമെന്നും അദ്ദേഹം വ്യക്തമാക്കി. യുഡിഎഫിന് ട്വന്റി-20യുടെ പിന്തുണ നഷ്ടമായത് അവരുടെ തന്നെ പിടിപ്പുകേട് കൊണ്ടാണെന്നും സാബു എം. ജേക്കബ് കുറ്റപ്പെടുത്തി. ട്വന്റി-20യുടെ എൻഡിഎ പ്രവേശനം വലിയൊരു രാഷ്ട്രീയ ചലനം സംസ്ഥാനത്തുണ്ടാക്കുമെന്നാണ് അദ്ദേഹം വിശ്വസിക്കുന്നത്.
അതേസമയം, തൃക്കാക്കര മണ്ഡലത്തിൽ ‘അഖിൽ മാരാർ തരംഗമാണ്’ പ്രകടമാകുന്നതെന്ന് എൻഡിഎ സ്ഥാനാർത്ഥി അഖിൽ മാരാർ അവകാശപ്പെട്ടു. വീടുകൾ തോറും കയറിയിറങ്ങി നടത്തിയ പ്രചാരണം വോട്ടർമാരുടെ മനസ്സറിയാൻ സഹായിച്ചിട്ടുണ്ടെന്നും മണ്ഡലത്തിൽ വലിയ മാറ്റം ജനം ആഗ്രഹിക്കുന്നുണ്ടെന്നും അദ്ദേഹം പറഞ്ഞു. ശോഭാ സുരേന്ദ്രനെതിരെയുള്ള ‘വോട്ടിന് നോട്ട്’ വിവാദത്തിൽ മാധ്യമവാർത്തകളെ പൂർണ്ണമായി വിശ്വസിക്കുന്നില്ലെന്നും, ആരോപണങ്ങളിലെ സത്യം പുറത്തുവരട്ടെയെന്നും അദ്ദേഹം പ്രതികരിച്ചു. ഇടത്-വലത് മുന്നണികൾക്ക് ബദലായി ജനം എൻഡിഎയെ തിരഞ്ഞെടുക്കുമെന്നാണ് അഖിൽ മാരാരുടെ പ്രതീക്ഷ.
Summary: Sabu M. Jacob, Chief Coordinator of Twenty-20, stated that the 2026 assembly election will rewrite Kerala’s political history. He predicted that the NDA alliance, including Twenty-20, will win six seats in Ernakulam district. He emphasized that the partnership with the BJP would benefit the NDA statewide. Meanwhile, NDA candidate Akhil Marar claimed a “wave” in Thrikkakara and dismissed allegations regarding the ‘cash-for-vote’ controversy involving Sobha Surendran, stating that people are seeking a change from the traditional LDF-UDF fronts.
