കാസർഗോഡ്: വോട്ടെടുപ്പ് പുരോഗമിക്കുന്നതിനിടെ ഉദുമ മണ്ഡലത്തിലെ പോളിങ് ബൂത്തിൽ ക്യാമറ ഘടിപ്പിച്ച കണ്ണടയുമായി എത്തിയ യുഡിഎഫ് ചീഫ് ഇലക്ഷൻ ഏജന്റിനെ തടഞ്ഞു. ഉദുമയിലെ യുഡിഎഫ് സ്ഥാനാർത്ഥിയുടെ ചീഫ് ഇലക്ഷൻ ഏജന്റ് ബി.എം. ജമാലാണ് ക്യാമറയുള്ള പ്രത്യേക തരം കണ്ണട ധരിച്ച് ബൂത്തിലെത്തിയത്.(UDF election agent with camera glasses inside the booth, Dramatic scenes)
ബേക്കൽ ഇസ്ലാമിയ എഎൽപി സ്കൂളിലെ പോളിങ് ബൂത്തിലാണ് സംഭവം നടന്നത്. സംശയത്തെത്തുടർന്ന് ഉദ്യോഗസ്ഥരും മറ്റ് രാഷ്ട്രീയ പാർട്ടി പ്രതിനിധികളും ഇദ്ദേഹത്തെ തടയുകയായിരുന്നു. വിവരം അറിഞ്ഞെത്തിയ പോലീസ് ക്യാമറ ഘടിപ്പിച്ച കണ്ണട പിടിച്ചെടുത്തു.
