ടെഹ്റാൻ: ഇറാനിൽ കുടുങ്ങിയ യുഎസ് പൈലറ്റിനെ കണ്ടെത്താനായി അമേരിക്ക നടത്തിയ തിരച്ചിൽ ദൗത്യത്തിനിടെ നിരവധി യുഎസ് വിമാനങ്ങൾ തകർത്തതായി ഇറാൻ സൈനിക ഉദ്യോഗസ്ഥർ അവകാശപ്പെട്ടു (US Aircraft Destroyed Iran). ഇസ്ഫഹാൻ പ്രവിശ്യയുടെ തെക്കൻ ഭാഗത്താണ് ഏറ്റുമുട്ടൽ നടന്നത്. വെള്ളിയാഴ്ച ഇറാനിൽ വെടിവച്ചിടപ്പെട്ട F-15 യുദ്ധവിമാനത്തിലെ രണ്ടാമത്തെ പൈലറ്റിനെയും രക്ഷപ്പെടുത്തിയതായി യുഎസ് ഉദ്യോഗസ്ഥർ സ്ഥിരീകരിച്ചതിന് പിന്നാലെയാണ് ഇറാന്റെ ഈ വെളിപ്പെടുത്തൽ.
ഇറാൻ സായുധ സേനയുടെ വക്താവ് നൽകുന്ന വിവരങ്ങൾ പ്രകാരം താഴെ പറയുന്ന വിമാനങ്ങളാണ് ഇറാൻ സൈന്യം തകർത്തത്:
- രണ്ട് സി-130 (C-130) മിലിട്ടറി ട്രാൻസ്പോർട്ട് വിമാനങ്ങൾ
- രണ്ട് ബ്ലാക്ക് ഹോക്ക് (Black Hawk) ഹെലികോപ്റ്ററുകൾ
കൂടാതെ, ഇസ്രായേലിന്റെ Hermes-900 ഡ്രോണും അമേരിക്കയുടെ MQ-9 ഡ്രോണും ഇസ്ഫഹാൻ പ്രവിശ്യയിൽ വെടിവച്ചിട്ടതായും ഇറാൻ സൈന്യവും റെവല്യൂഷണറി ഗാർഡും അവകാശപ്പെട്ടു. ചഹാർമഹാൽ-ബക്തിയാരി, കോഹ്ഗിലുയെ-ബോയർ അഹ്മദ്, ഇസ്ഫഹാൻ എന്നീ മൂന്ന് പ്രവിശ്യകളിലായി ശനിയാഴ്ച വൈകുന്നേരം മുതൽ യുഎസ് തിരച്ചിൽ നടത്തിവരികയായിരുന്നുവെന്ന് ഇറാന്റെ വാർത്താ ഏജൻസിയായ ഫാർസ് റിപ്പോർട്ട് ചെയ്തു. എന്നാൽ ഇറാന്റെ ഈ അവകാശവാദങ്ങൾ അമേരിക്ക ഔദ്യോഗികമായി സ്ഥിരീകരിച്ചിട്ടില്ല.
Summary: Iranian military officials claimed on Sunday that several U.S. aircraft, including two C-130 transport planes and two Black Hawk helicopters, were destroyed during a U.S. mission to rescue a stranded airman in Isfahan province. Additionally, Iran claimed to have downed an Israeli Hermes-900 drone and a U.S. MQ-9 drone. While U.S. officials confirmed the successful rescue of the second F-15 pilot, they have not yet commented on the reported loss of additional aircraft and drones during the operation.
