Follow on Google News
മലപ്പുറം: നാഗർകോവിൽ – മംഗളൂരു അമൃത് ഭാരത് എക്സ്പ്രസിന് തിരൂരിൽ സ്റ്റോപ്പ് അനുവദിച്ചു. ആഴ്ചയിൽ ഒരു ദിവസം സർവീസ് നടത്തുന്ന ഈ ട്രെയിൻ മലബാറിലെ യാത്രാക്ലേശത്തിന് പരിഹാരമാകുമെന്ന് കരുതപ്പെടുന്നു. ചൊവ്വാഴ്ചകളിൽ നാഗർകോവിലിൽ നിന്നും ബുധനാഴ്ചകളിൽ മംഗളൂരുവിൽ നിന്നുമാണ് സർവീസ് ക്രമീകരിച്ചിരിക്കുന്നത്.(Amrit Bharat Express has stop at Tirur)
ട്രെയിൻ നമ്പർ 16329 ചൊവ്വാഴ്ച പകൽ 11.40-ന് നാഗർകോവിലിൽ നിന്ന് പുറപ്പെട്ട് ബുധനാഴ്ച രാത്രി 10.05-ന് മംഗളൂരുവിൽ എത്തും. ട്രെയിൻ നമ്പർ 16330 ബുധനാഴ്ച രാവിലെ 8.00-ന് മംഗളൂരുവിൽ നിന്ന് പുറപ്പെട്ട് രാത്രി 10.05-ന് നാഗർകോവിലിൽ എത്തും.
കുറഞ്ഞ ചെലവിൽ യാത്ര ഉറപ്പാക്കാൻ എസി കോച്ചുകൾ ഒഴിവാക്കിയാണ് സർവീസ്. ആകെ 22 കോച്ചുകൾ. ഇതിൽ 12 സ്ലീപ്പർ ക്ലാസും 8 ജനറൽ കോച്ചുകളുമാണുള്ളത്. ഭിന്നശേഷിക്കാർക്കായി രണ്ട് പ്രത്യേക ലഗേജ് വാനുകളും ഉണ്ട്. സെൻസർ ശുചിമുറികൾ, ആധുനിക സീറ്റുകൾ, ഓരോ സീറ്റിലും ചാർജിങ് പോയിന്റുകൾ എന്നിവ ലഭ്യമാണ്. സിസിടിവി ക്യാമറകൾക്ക് പുറമെ ട്രെയിനുകൾ കൂട്ടിയിടിക്കുന്നത് ഒഴിവാക്കാനുള്ള ‘കവച്’ സാങ്കേതികവിദ്യയും ഇതിൽ സജ്ജമാക്കിയിട്ടുണ്ട്.
