ഗുവാഹത്തി: അസമിലെ ഗോലക്ഗഞ്ചിൽ നിശ്ചയിച്ചിരുന്ന കേന്ദ്ര ആഭ്യന്തര മന്ത്രി അമിത് ഷായുടെ തിരഞ്ഞെടുപ്പ് റാലി സാങ്കേതിക കാരണങ്ങളാൽ റദ്ദാക്കി. ഹെലികോപ്റ്റർ ലാൻഡ് ചെയ്യാൻ കഴിയാത്ത സാഹചര്യമുണ്ടായതിനെത്തുടർന്ന് അദ്ദേഹം ഫോണിലൂടെ പ്രവർത്തകരെ അഭിസംബോധന ചെയ്തു.(Amit Shah’s helicopter could not land, Rally in Assam cancelled)
റാലിയിൽ നേരിട്ടെത്താൻ കഴിയാത്തതിൽ പ്രവർത്തകരോട് ക്ഷമ ചോദിച്ച അദ്ദേഹം, ബിജെപി സ്ഥാനാർത്ഥിക്ക് വേണ്ടി വോട്ട് അഭ്യർത്ഥിച്ചു. പ്രധാനമന്ത്രി നരേന്ദ്ര മോദിയുടെയും അസം മുഖ്യമന്ത്രി ഹിമന്ത ബിശ്വ ശർമ്മയുടെയും വികസന പ്രവർത്തനങ്ങളെ പിന്തുണയ്ക്കാൻ അദ്ദേഹം ജനങ്ങളോട് ആഹ്വാനം ചെയ്തു. ഗോലക്ഗഞ്ചിലെ റാലി റദ്ദാക്കിയെങ്കിലും, തുടർന്ന് നിശ്ചയിച്ചിരുന്ന മറ്റൊരു പ്രചാരണ പരിപാടിക്കായി അമിത് ഷാ ദുദ്നോയിയിലേക്ക് തിരിച്ചു.
