പാലക്കാട്/തൃശൂർ: നിയമസഭാ തിരഞ്ഞെടുപ്പ് പ്രചാരണത്തിന്റെ ഭാഗമായി പ്രധാനമന്ത്രി നരേന്ദ്ര മോദി പാലക്കാട്ടെത്തി (PM Narendra Modi Palakkad Visit). എൻഡിഎ സ്ഥാനാർത്ഥികളുടെ വിജയത്തിനായി പാലക്കാട് കോട്ടമൈതാനത്ത് സംഘടിപ്പിച്ച കൂറ്റൻ പൊതുസമ്മേളനത്തെ അദ്ദേഹം അഭിസംബോധന ചെയ്തു. ബിജെപി സംസ്ഥാന നേതൃത്വവും എൻഡിഎ സ്ഥാനാർത്ഥികളും പ്രധാനമന്ത്രിയെ സ്വീകരിച്ചു.
പാലക്കാട്ടെ പൊതുസമ്മേളനത്തിന് ശേഷം പ്രധാനമന്ത്രി തൃശൂരിലേക്ക് തിരിക്കും.വൈകുന്നേരം തൃശൂർ നഗരത്തിൽ വിപുലമായ റോഡ് ഷോ നടക്കും. ജില്ലാ ആശുപത്രിക്ക് മുൻവശത്ത് നിന്ന് ആരംഭിച്ച് ബിനി ഹെറിറ്റേജിന് മുന്നിൽ സമാപിക്കുന്ന രീതിയിലാണ് റോഡ് ഷോ ക്രമീകരിച്ചിരിക്കുന്നത്.
പ്രധാനമന്ത്രിയുടെ സന്ദർശനം പ്രമാണിച്ച് ഇരു ജില്ലകളിലും അതീവ സുരക്ഷയാണ് ഏർപ്പെടുത്തിയിരിക്കുന്നത്. നൂറുകണക്കിന് പോലീസുകാരെയും എസ്പിജി ഉദ്യോഗസ്ഥരെയും നഗരങ്ങളിൽ വിന്യസിച്ചിട്ടുണ്ട്.
അതേസമയം , പൊതുസമ്മേളനം നടക്കുന്ന പാലക്കാട് കോട്ടമൈതാനത്തെ വേദിയിൽ ചെറിയ തോതിൽ സുരക്ഷാ ആശങ്കയുണ്ടായി. വേദിയിലെ ആംപ്ലിഫയറിൽ നിന്ന് പുക ഉയർന്നത് പരിഭ്രാന്തി പരത്തി. എന്നാൽ, ഉദ്യോഗസ്ഥർ ഉടൻ തന്നെ ഇടപെട്ട് പ്രശ്നം പരിഹരിച്ചു. അമിതഭാരം (Overload) കാരണമാണ് പുക ഉയർന്നതെന്ന് അധികൃതർ വ്യക്തമാക്കി. പരിപാടി തടസ്സമില്ലാതെ തുടർന്നു.
തൃശൂരിലെ റോഡ് ഷോയിൽ എൻഡിഎയുടെ എല്ലാ പ്രമുഖ സ്ഥാനാർത്ഥികളും പ്രധാനമന്ത്രിയോടൊപ്പം അണിനിരക്കും. നഗരത്തിൽ വൻ ജനക്കൂട്ടത്തെയാണ് ബിജെപി പ്രതീക്ഷിക്കുന്നത്.
Short Story Summary:
PM Narendra Modi arrived in Kerala to bolster the NDA’s election campaign in Palakkad and Thrissur. After addressing a massive gathering at Palakkad Fort Maidan, he will lead a roadshow in Thrissur city later this evening. A minor security scare occurred at the Palakkad venue when smoke emanated from an amplifier due to an overload, but it was quickly resolved. Strict security measures are in place across both districts for the high-profile visit.
