ന്യൂഡൽഹി: രാജ്യത്ത് ഏകീകൃത സിവിൽ കോഡ് നടപ്പിലാക്കുന്നതിനെക്കുറിച്ച് സുപ്രീം കോടതിയിൽ നിന്ന് നിർണ്ണായകമായ വാക്കാൽ പരാമർശം (Supreme Court on UCC). 1937-ലെ ശരിയത്ത് നിയമത്തിലെ ചില വ്യവസ്ഥകളെ ചോദ്യം ചെയ്തുകൊണ്ടുള്ള ഹർജി പരിഗണിക്കുന്നതിനിടെയാണ് ചീഫ് ജസ്റ്റിസ് ഉൾപ്പെട്ട ബെഞ്ച് ഇത്തരമൊരു നിരീക്ഷണം നടത്തിയത്. ഇത്തരം വിഷയങ്ങളിൽ ഏകീകൃത സിവിൽ നിയമമാണ് ഏറ്റവും അഭികാമ്യമെന്ന് കോടതി അഭിപ്രായപ്പെട്ടു.
ഏകീകൃത സിവിൽ കോഡ് നടപ്പിലാക്കുന്ന കാര്യത്തിൽ പാർലമെന്റ് ആവശ്യമായ തീരുമാനങ്ങൾ എടുക്കട്ടെ എന്ന് കോടതി വ്യക്തമാക്കി.
മുസ്ലീം സ്ത്രീകൾ നേരിടുന്ന വിവേചനങ്ങൾ ചൂണ്ടിക്കാട്ടി സമർപ്പിക്കപ്പെട്ട ഹർജിയാണ് കോടതിയുടെ പരിഗണനയ്ക്ക് വന്നത്. ശരിയത്ത് നിയമത്തിലെ ചില വ്യവസ്ഥകൾ ലിംഗസമത്വത്തിന് വിരുദ്ധമാണെന്ന വാദമാണ് ഹർജിയിലുള്ളത്.
ചീഫ് ജസ്റ്റിസ് സൂര്യകാന്ത്, ജസ്റ്റിസ് ജോയ്മാല ബാക്സിയ, ജസ്റ്റിസ് ആർ. മഹാദേവൻ എന്നിവരടങ്ങിയ ബെഞ്ചാണ് കേസ് പരിഗണിച്ചത്.
ഏകീകൃത സിവിൽ കോഡ് നടപ്പിലാക്കുന്നത് സംബന്ധിച്ച് രാജ്യത്ത് വലിയ രാഷ്ട്രീയ ചർച്ചകൾ നടക്കുന്നതിനിടെയാണ് രാജ്യത്തെ പരമോന്നത കോടതിയുടെ ഭാഗത്തുനിന്നും ഇത്തരമൊരു പരാമർശം ഉണ്ടായിരിക്കുന്നത്. ഇത് വരും ദിവസങ്ങളിൽ വലിയ ചർച്ചകൾക്ക് വഴിതുറക്കുമെന്ന് ഉറപ്പാണ്.
Story Summary:
The Supreme Court of India orally remarked that it is time to implement a Uniform Civil Code (UCC) in the country while hearing a petition challenging provisions of the Shariat Act of 1937. A bench headed by Chief Justice Surya Kant suggested that Parliament should consider the implementation of UCC to address issues like gender discrimination in personal laws.
