ന്യൂഡൽഹി: കേരള നിയമസഭാ തിരഞ്ഞെടുപ്പിനുള്ള ബിജെപി സ്ഥാനാർത്ഥികളെ മാർച്ച് 20-ഓടെ പ്രഖ്യാപിക്കുമെന്ന് ബിജെപി സംസ്ഥാന അധ്യക്ഷൻ രാജീവ് ചന്ദ്രശേഖർ (BJP Kerala candidate list 2026 announcement date). സ്ഥാനാർത്ഥികളെ വെവ്വേറെ ഘട്ടങ്ങളിലായി പ്രഖ്യാപിക്കുന്നതിന് പകരം ഒറ്റപ്പട്ടികയായി പുറത്തിറക്കാനാണ് പാർട്ടി ശ്രമിക്കുന്നതെന്നും അദ്ദേഹം വ്യക്തമാക്കി. സ്ഥാനാർത്ഥി നിർണ്ണയവുമായി ബന്ധപ്പെട്ട് ബിജെപി ദേശീയ നേതൃത്വവുമായി ഡൽഹിയിൽ നടത്തിയ നിർണ്ണായക ചർച്ചയ്ക്ക് ശേഷം മാധ്യമങ്ങളോട് സംസാരിക്കുകയായിരുന്നു അദ്ദേഹം.
ബിജെപി ദേശീയ അധ്യക്ഷൻ ജെ.പി. നദ്ദയുടെ വസതിയിൽ വെച്ചായിരുന്നു ഒന്നര മണിക്കൂർ നീണ്ട ചർച്ച നടന്നത്. കേന്ദ്ര ആഭ്യന്തരമന്ത്രി അമിത് ഷാ ഉൾപ്പെടെയുള്ള മുതിർന്ന നേതാക്കൾ യോഗത്തിൽ പങ്കെടുത്തു. സംസ്ഥാന ഘടകം തയ്യാറാക്കിയ നിയമസഭാ തിരഞ്ഞെടുപ്പ് പ്ലാൻ യോഗത്തിൽ അവതരിപ്പിച്ചു. ഓരോ മണ്ഡലത്തിലും വിജയിക്കാൻ സാധ്യതയുള്ള സ്ഥാനാർത്ഥികളെക്കുറിച്ചും തിരഞ്ഞെടുപ്പ് തന്ത്രങ്ങളെക്കുറിച്ചും വിശദമായ ചർച്ചകളാണ് നടന്നതെന്ന് രാജീവ് ചന്ദ്രശേഖർ പറഞ്ഞു.
അമിത് ഷാ, ജെ.പി. നദ്ദ എന്നിവരെക്കൂടാതെ ബിജെപി ദേശീയ സംഘടനാ ജനറൽ സെക്രട്ടറി ബി.എൽ. സന്തോഷ്, നിതിൻ നവീൻ, ശോഭാ കരന്ത്ലാജെ എന്നിവരും ചർച്ചയിൽ പങ്കെടുത്തു.
സ്ഥാനാർത്ഥി നിർണ്ണയത്തിൽ അന്തിമ തീരുമാനം എടുക്കുന്നതിനായി സംസ്ഥാന നേതൃത്വം നൽകിയ ലിസ്റ്റ് ദേശീയ നേതൃത്വം വിശദമായി പരിശോധിക്കും. തിരഞ്ഞെടുപ്പിന് മുന്നോടിയായി ശക്തമായ പോരാട്ടം കാഴ്ചവെക്കാൻ പ്രാപ്തിയുള്ളവരെ തന്നെ രംഗത്തിറക്കാനാണ് ബിജെപി നീക്കം. മാർച്ച് 20-ന് മുമ്പ് കേന്ദ്ര തിരഞ്ഞെടുപ്പ് സമിതിയുടെ അനുമതിയോടെ ലിസ്റ്റ് പുറത്തുവിടും.
Story Summary:
BJP State President Rajeev Chandrasekhar announced that the party will declare its candidates for the Kerala Assembly elections by March 20. Speaking after a high-level meeting with national leaders in Delhi, he stated that the party aims to release a single list of candidates. The meeting, held at J.P. Nadda’s residence and attended by Amit Shah and B.L. Santhosh, discussed the state unit’s election strategy and potential candidates in detail.
