അബുദാബി: ഇറാൻ നടത്തിയ വൻതോതിലുള്ള വ്യോമാക്രമണത്തെ യുഎഇ പ്രതിരോധ സേന വിജയകരമായി പ്രതിരോധിച്ചു (UAE Iran Conflict 2026). യുഎഇ ലക്ഷ്യമാക്കി ഇറാൻ തൊടുത്തുവിട്ട 186 ബാലിസ്റ്റിക് മിസൈലുകളിൽ 172 എണ്ണവും ആകാശത്തുവെച്ച് തന്നെ തകർക്കാൻ സാധിച്ചതായി പ്രതിരോധ മന്ത്രാലയം അറിയിച്ചു. ശേഷിച്ചവയിൽ 13 എണ്ണം കടലിൽ പതിച്ചപ്പോൾ ഒരെണ്ണം മാത്രമാണ് കരയിൽ വീണത്.
തൊടുത്തുവിട്ട 186 മിസൈലുകളിൽ 92% വും (172 എണ്ണം) വ്യോമപ്രതിരോധ സംവിധാനങ്ങൾ തകർത്തു. ആക്രമണത്തിന് ഉപയോഗിച്ച 812 ഡ്രോണുകളിൽ 755 എണ്ണവും ലക്ഷ്യം കാണും മുൻപേ തകർക്കപ്പെട്ടു. 57 ഡ്രോണുകൾ മാത്രമാണ് രാജ്യത്തിനുള്ളിൽ പ്രവേശിച്ചത്. ആക്രമണങ്ങളിൽ ഇതുവരെ മൂന്ന് മരണവും 68 പേർക്ക് പരിക്കേറ്റതായും റിപ്പോർട്ടുണ്ട്. മിസൈലുകൾ നേരിട്ട് പതിച്ചല്ല മരണം സംഭവിച്ചത്. മറിച്ച്, ആകാശത്തുവെച്ച് തകർക്കപ്പെട്ട മിസൈലുകളുടെയും ഡ്രോണുകളുടെയും അവശിഷ്ടങ്ങൾ (Debris) താഴേക്ക് പതിച്ചാണ് ആളുകൾക്ക് പരിക്കേറ്റതെന്ന് അധികൃതർ വ്യക്തമാക്കി.
രാജ്യത്തെയും ജനങ്ങളെയും സംരക്ഷിക്കാൻ യുഎഇ സജ്ജമാണെന്ന് വാർത്താസമ്മേളനത്തിൽ അധികൃതർ പറഞ്ഞു. അത്യാധുനികമായ പ്രതിരോധ സംവിധാനങ്ങൾ ഏത് സാഹചര്യത്തെയും നേരിടാൻ തയ്യാറാണെന്നും പ്രതിരോധ നടപടികൾ കൂടുതൽ ശക്തമാക്കിയതായും യുഎഇ അറിയിച്ചു. ജനങ്ങൾ ഔദ്യോഗിക അറിയിപ്പുകൾ മാത്രം വിശ്വസിക്കണമെന്നും പരിഭ്രാന്തരാകരുതെന്നും നിർദ്ദേശമുണ്ട്.
Story Summary: The UAE successfully intercepted a massive aerial attack from Iran, neutralizing 172 out of 186 ballistic missiles and 755 out of 812 drones. Authorities confirmed that only one missile hit land, while others fell into the sea or were destroyed mid-air. Three deaths and 68 injuries were reported, caused mainly by falling debris. The UAE government assured citizens of their safety and advanced defense readiness.
