കൊച്ചി: സോഷ്യൽ മീഡിയയിൽ എന്നും സജീവമായ നടി നിത്യ ദാസും മകൾ നൈന ജംവാളും ചേർന്നുള്ള പുതിയ നൃത്ത വീഡിയോ ആരാധകർ ഏറ്റെടുത്തു കഴിഞ്ഞു (Nithya Das Dance Video). ‘ധുരന്ധർ’ എന്ന സിനിമയിലെ ‘ഷാരാരത്ത്’ എന്ന ഹിറ്റ് ഗാനത്തിനാണ് ഇരുവരും ചുവടുവയ്ക്കുന്നത്. ‘ക്രേസി അമ്മയും മകളും’ എന്ന അടിക്കുറിപ്പോടെ നിത്യ പങ്കുവെച്ച വീഡിയോ നിമിഷങ്ങൾക്കകം വൈറലായി.
പാട്ടിന്റെ ഹൂക്ക് സ്റ്റെപ്പുകൾ അതീവ എനർജിയോടെയാണ് നിത്യയും മകളും അവതരിപ്പിക്കുന്നത്. ഇരുവരുടെയും ഒരേപോലെയുള്ള വസ്ത്രധാരണവും ചടുലമായ നീക്കങ്ങളും വീഡിയോയുടെ മാറ്റുകൂട്ടുന്നു.
“ഇതിൽ ആരാണ് അമ്മ, ആരാണ് മകൾ?” എന്ന ചോദ്യമാണ് കമന്റ് ബോക്സിൽ നിറയുന്നത്. നിത്യയുടെ പ്രായം കുറഞ്ഞ ലുക്കിനെ പുകഴ്ത്തി ‘സന്തൂർ മമ്മി’ എന്നും ‘നിത്യ മോളെ കടത്തിവെട്ടി’ എന്നും ആരാധകർ കുറിക്കുന്നു. 2007-ലായിരുന്നു നിത്യയുടെയും അരവിന്ദ് സിങ് ജംവാളിന്റെയും പ്രണയ വിവാഹം. നൈനയെ കൂടാതെ നമൻ സിങ് ജംവാൾ എന്നൊരു മകൻ കൂടി താരത്തിനുണ്ട്.
View this post on Instagram
മലയാളത്തിന് പുറമെ തമിഴ്, തെലുങ്ക് ഭാഷകളിലും അഭിനയിച്ചിട്ടുള്ള നിത്യ ദാസ്, വിവാഹശേഷം ചെറിയൊരു ഇടവേള എടുത്തെങ്കിലും പിന്നീട് മിനിസ്ക്രീനിലൂടെയും സോഷ്യൽ മീഡിയയിലൂടെയും ശക്തമായ തിരിച്ചുവരവ് നടത്തിയിരുന്നു. മകൾ നൈനയും അമ്മയെപ്പോലെ തന്നെ സോഷ്യൽ മീഡിയയിലെ കുട്ടിത്താരമാണ്.
Story Summary: Malayalam actress Nithya Das and her daughter Naina Jamwal’s latest dance video to the song ‘Shararat’ from the movie ‘Dhurandhar’ has gone viral. Fans are amazed by their energy and Nithya’s youthful look, with many commenting on their striking resemblance. Nithya, famous for her debut role as ‘Basanthi’, remains a favorite on social media.
