ഗുവാഹത്തി: അസം രാഷ്ട്രീയത്തിൽ കോൺഗ്രസിന് വൻ തിരിച്ചടി നൽകിക്കൊണ്ട് മുൻ സംസ്ഥാന അധ്യക്ഷൻ ഭൂപൻ ബോറ പാർട്ടിയിൽ നിന്നും രാജിവച്ചു. കോൺഗ്രസ് അധ്യക്ഷന് രാജിക്കത്ത് കൈമാറിയ അദ്ദേഹം ഉടൻ തന്നെ ബിജെപിയിൽ ചേരുമെന്നാണ് വിവരം.(Big setback for Congress in Assam as Bhupen Kumar Borah resigns)
പാർട്ടിക്കുള്ളിൽ താൻ കാലങ്ങളായി അവഗണിക്കപ്പെടുകയാണെന്ന ഗുരുതര ആരോപണമാണ് ബോറ രാജിക്കത്തിൽ ഉന്നയിച്ചിരിക്കുന്നത്. അർഹമായ പരിഗണന ലഭിക്കാത്തതാണ് തന്നെ ഇത്തരമൊരു തീരുമാനത്തിലേക്ക് നയിച്ചതെന്ന് അദ്ദേഹം വ്യക്തമാക്കി. 2021 മുതൽ 2024 വരെ അസം പ്രദേശ് കോൺഗ്രസ് കമ്മിറ്റിയുടെ അധ്യക്ഷനായി അദ്ദേഹം പ്രവർത്തിച്ചിരുന്നു. കഴിഞ്ഞ വർഷമാണ് അദ്ദേഹത്തെ അധ്യക്ഷ സ്ഥാനത്ത് നിന്നും മാറ്റിയത്.
കോൺഗ്രസ് വിട്ടെത്തുന്ന ഭൂപൻ ബോറയ്ക്ക് ബിജെപിയിൽ അർഹമായ സ്ഥാനവും അംഗീകാരവും ലഭിക്കുമെന്ന് അസം മുഖ്യമന്ത്രി ഹിമന്ത ബിശ്വ ശർമ്മ പ്രതികരിച്ചു. ബോറയുടെ വരവ് ബിജെപിയുടെ കരുത്ത് വർദ്ധിപ്പിക്കുമെന്നും അദ്ദേഹം കൂട്ടിച്ചേർത്തു.
