സോൾ: ദക്ഷിണ കൊറിയയിലെ ഗപ്യോങ് കൗണ്ടിയിൽ പരിശീലന പറക്കലിനിടെ സൈനിക ഹെലികോപ്റ്റർ തകർന്ന് രണ്ട് സൈനികർ കൊല്ലപ്പെട്ടു (South Korea military helicopter crash). ദക്ഷിണ കൊറിയൻ സൈന്യത്തിന്റെ ‘AH-1S കോബ്ര’ അറ്റാക്ക് ഹെലികോപ്റ്ററാണ് തിങ്കളാഴ്ച രാവിലെ 11 മണിയോടെ അപകടത്തിൽപ്പെട്ടത്. ഹെലികോപ്റ്ററിലുണ്ടായിരുന്ന രണ്ട് ക്രൂ അംഗങ്ങളെയും ഉടൻ തന്നെ അടുത്തുള്ള ആശുപത്രികളിൽ എത്തിച്ചുവെങ്കിലും ജീവൻ രക്ഷിക്കാനായില്ല.
എഞ്ചിൻ ഓഫ് ചെയ്യാതെയുള്ള അടിയന്തര ലാൻഡിംഗ് രീതികൾ പരിശീലിക്കുന്നതിനിടെയാണ് അപകടം സംഭവിച്ചതെന്നാണ് സൈനിക വൃത്തങ്ങൾ നൽകുന്ന പ്രാഥമിക വിവരം. അപകടത്തെത്തുടർന്ന് രാജ്യം മുഴുവൻ നിലവിലുള്ള എല്ലാ AH-1S ഹെലികോപ്റ്ററുകളുടെയും പ്രവർത്തനം സൈന്യം താൽക്കാലികമായി നിർത്തിവെച്ചു. അപകടത്തിന്റെ കൃത്യമായ കാരണം കണ്ടെത്താനായി പ്രത്യേക അന്വേഷണ സംഘത്തെ നിയോഗിച്ചിട്ടുണ്ട്.
Summary: A South Korean Army AH-1S Cobra attack helicopter crashed during a training flight in Gapyeong on Monday, killing both crew members. Following the accident, the military has suspended all AH-1S operations and launched an emergency investigation into the cause of the crash.
