തായ്‌പേയ്: ഫംഗ്-വോങ് ചുഴലിക്കാറ്റ് രാജ്യത്തേക്ക് അടുക്കുന്നതിൻ്റെ പശ്ചാത്തലത്തിൽ തായ്‌വാനിൽ 3,000-ത്തിലധികം ആളുകളെ ഒഴിപ്പിച്ചു. കരയിൽ ചുഴലിക്കാറ്റ് മുന്നറിയിപ്പ് നൽകിയിട്ടുണ്ട്. അടുത്തിടെ മറ്റൊരു ചുഴലിക്കാറ്റിൽ കനത്ത നാശനഷ്ടമുണ്ടായ മലയോര കിഴക്കൻ തീരങ്ങളിൽ വലിയ അളവിൽ മഴ പെയ്യുമെന്നാണ് പ്രതീക്ഷിക്കുന്നത്. (Typhoon Fung-wong)
ഫംഗ്-വോങ് ചുഴലിക്കാറ്റ് ബുധനാഴ്ച തായ്‌വാൻ ദ്വീപിൻ്റെ തെക്കുപടിഞ്ഞാറൻ തീരത്ത്, പ്രധാന തുറമുഖമായ കാവോസിയോങ്ങിന് സമീപം കാരത്തോടും എന്നാണ് പ്രവചനം. ഫിലിപ്പീൻസിൽ ഫംഗ്-വോങ് ചുഴലിക്കാറ്റിൽ 18 പേർ കൊല്ലപ്പെട്ടിരുന്നു. മലനിരകൾ, തീരദേശം, മറ്റ് അപകടസാധ്യതയുള്ള പ്രദേശങ്ങൾ എന്നിവിടങ്ങളിൽ നിന്ന് വിട്ടുനിൽക്കാൻ സർക്കാർ ജനങ്ങളോട് ആവശ്യപ്പെട്ടിട്ടുണ്ട്. നിലവിൽ 3,337 പേരെ സുരക്ഷിത സ്ഥലങ്ങളിലേക്ക് മാറ്റിയിട്ടുണ്ട്. രാജ്യത്തുടനീളം 66 വിമാന സർവീസുകൾ റദ്ദാക്കി. ഫംഗ്-വോങ് ചുഴലിക്കാറ്റ് തായ്‌വാൻ്റെ താഴത്തെ ഭാഗം കടന്ന് ജനവാസം കുറഞ്ഞ കിഴക്കൻ കൗണ്ടികളായ തൈതുംഗ്, ഹുവാലിയൻ തീരങ്ങളിലൂടെ പസഫിക് സമുദ്രത്തിലേക്ക് നീങ്ങുമെന്നാണ് പ്രതീക്ഷിക്കുന്നത്. കിഴക്കൻ തീരങ്ങളിൽ അതീവ ജാഗ്രത നിർദേശം പുറപ്പെടുവിച്ചിട്ടുണ്ട്
Summary: Taiwan evacuated over 3,000 people and issued a land warning on Tuesday as the weakening Typhoon Fung-wong approaches, expected to make landfall near Kaohsiung on Wednesday.