തായ്പേയ്: തായ്വാനിലെ വടക്കുകിഴക്കൻ കൗണ്ടിയായ യിലാന്റെ (Yilan) തീരപ്രദേശത്ത് ശക്തമായ ഭൂചലനം അനുഭവപ്പെട്ടു (Taiwan Earthquake). ചൊവ്വാഴ്ച രാവിലെ ഉണ്ടായ ഭൂചലനം റിക്ടർ സ്കെയിലിൽ 5.6 തീവ്രത രേഖപ്പെടുത്തിയതായി കാലാവസ്ഥാ നിരീക്ഷണ കേന്ദ്രം അറിയിച്ചു. തലസ്ഥാനമായ തായ്പേയിയിലും കെട്ടിടങ്ങൾ കുലുങ്ങിയെങ്കിലും നാശനഷ്ടങ്ങളൊന്നും റിപ്പോർട്ട് ചെയ്തിട്ടില്ല.
ഭൂമിക്കടിയിൽ ഏകദേശം 66.8 കിലോമീറ്റർ ആഴത്തിലാണ് ഭൂചലനത്തിന്റെ പ്രഭവകേന്ദ്രം എന്ന് അധികൃതർ വ്യക്തമാക്കി. യിലാൻ തീരത്തുനിന്നും 16.9 കിലോമീറ്റർ അകലെ കടലിലാണ് ചലനം ഉണ്ടായത്. രണ്ട് ടെക്റ്റോണിക് പ്ലേറ്റുകൾ ചേരുന്ന ഭാഗമായതിനാൽ തായ്വാനിൽ ഭൂചലനങ്ങൾ പതിവാണ്. 1999-ൽ ഉണ്ടായ 7.3 തീവ്രത രേഖപ്പെടുത്തിയ ഭൂചലനത്തിൽ രണ്ടായിരത്തിലധികം ആളുകൾ കൊല്ലപ്പെട്ടിരുന്നു. നിലവിലെ സാഹചര്യത്തിൽ സുനാമി മുന്നറിയിപ്പുകളൊന്നും നൽകിയിട്ടില്ലെങ്കിലും അധികൃതർ ജാഗ്രത പാലിക്കാൻ നിർദ്ദേശിച്ചിട്ടുണ്ട്.
Summary: A 5.6 magnitude earthquake struck off the coast of Taiwan’s Yilan County on Tuesday, shaking buildings in the capital city of Taipei.
