കാലിഫോർണിയ: വിമാനത്തിൽ മനുഷ്യർക്കൊപ്പം സഹയാത്രികനായി ടിക്കറ്റെടുത്ത് ഒരു റോബോട്ട് എത്തിയതോടെ കാലിഫോർണിയയിലെ ഓക്ലൻഡ് വിമാനത്താവളത്തിൽ നാടകീയ രംഗങ്ങൾ (Robot passenger Southwest Airlines delay). സൗത്ത് വെസ്റ്റ് എയർലൈൻസ് വിമാനത്തിലാണ് ‘ബീബോപ്പ്’ എന്ന റോബോട്ട് തന്റെ ഉടമയ്ക്കൊപ്പം യാത്രയ്ക്കെത്തിയത്. എന്നാൽ റോബോട്ടിന്റെ സാന്നിധ്യം വിമാനം പുറപ്പെടാൻ ഒരു മണിക്കൂർ വൈകുന്നതിലാണ് കലാശിച്ചത്.
റോബോട്ടിനായി ടിക്കറ്റ് എടുത്തിരുന്നെങ്കിലും, സുരക്ഷാ നിയമങ്ങൾ പാലിക്കുന്നതിൽ ഉണ്ടായ ആശയക്കുഴപ്പമാണ് വിമാനം വൈകാൻ കാരണമായത്. ആദ്യം ഐൽ സീറ്റിലിരുന്ന റോബോട്ടിനെ എയർലൈൻ നിയമങ്ങൾ പാലിച്ച് വിൻഡോ സീറ്റിലേക്ക് മാറ്റേണ്ടി വന്നു. പിന്നാലെ റോബോട്ടിലെ വമ്പൻ ലിഥിയം ബാറ്ററി സുരക്ഷാ ഭീഷണിയാണെന്ന് അധികൃതർ കണ്ടെത്തി. വിമാനത്തിൽ അനുവദനീയമായ പരിധിയിലും വലിയ ബാറ്ററിയായതിനാൽ ഇത് ഊരിമാറ്റിയ ശേഷമാണ് വിമാനത്തിന് പറക്കാൻ അനുമതി ലഭിച്ചത്. ഒടുവിൽ ‘ജീവനില്ലാത്ത’ റോബോട്ടുമായി വിമാനം സാൻ ഡിയാഗോയിലേക്ക് പറന്നു.
Summary: A Southwest Airlines flight in California faced an unusual hour-long delay after a robot named ‘Bebop’ boarded as a ticketed passenger. While the owner had a valid ticket for the robot, issues regarding its seating position and a high-capacity lithium battery led to safety concerns. The flight eventually took off after the battery was confiscated by airport authorities.
