ദോഹ: ഇറാൻ-ഇസ്രായേൽ യുദ്ധം പടരുന്നതിനിടെ ഖത്തറിലെ സാധാരണക്കാരുടെ സുരക്ഷാ കേന്ദ്രങ്ങളെയും അന്താരാഷ്ട്ര വിമാനത്താവളത്തെയും ലക്ഷ്യം വെച്ച് ഇറാൻ മിസൈൽ ആക്രമണം നടത്തി (Qatar Iranian Missile Attack). ദോഹയിലെ ഹമദ് അന്താരാഷ്ട്ര വിമാനത്താവളം ഉൾപ്പെടെയുള്ള നിർണ്ണായക കേന്ദ്രങ്ങൾക്ക് നേരെ വന്ന മിസൈലുകൾ ഖത്തർ പ്രതിരോധ സേന ആകാശത്തുവെച്ച് തടഞ്ഞതായി വിദേശകാര്യ മന്ത്രാലയ വക്താവ് മാജിദ് അൽ അൻസാരി സിഎൻഎന്നിനോട് സ്ഥിരീകരിച്ചു. ഇത്തരം ആക്രമണങ്ങൾക്ക് മറുപടി നൽകാതിരിക്കാനാവില്ലെന്നും അദ്ദേഹം വ്യക്തമാക്കി.
ഇറാൻ പരമോന്നത നേതാവ് ഖമേനിയുടെ വധത്തിന് പ്രതികാരമായി ഗൾഫ് മേഖലയിലുടനീളം ഇറാൻ നടത്തുന്ന ആക്രമണങ്ങളുടെ ഭാഗമായാണ് ഖത്തറിന് നേരെയും മിസൈലുകൾ എത്തിയത്. നിലവിൽ ഇറാനുമായി യാതൊരുവിധ ചർച്ചകൾക്കും തയ്യാറല്ലെന്ന് ഖത്തർ അറിയിച്ചു. ദോഹ നഗരത്തിൽ മിസൈൽ ആക്രമണത്തെത്തുടർന്ന് പുക ഉയരുന്ന ദൃശ്യങ്ങൾ പുറത്തുവന്നിട്ടുണ്ട്.
