ഇസ്ഫഹാൻ: ഇറാനിലെ ഇസ്ഫഹാൻ പ്രവിശ്യയിൽ ബുധനാഴ്ച രാവിലെ ഇസ്രായേൽ നടത്തിയ വ്യോമാക്രമണങ്ങളിൽ അഞ്ച് പേർ കൊല്ലപ്പെട്ടു (Israeli Attacks Isfahan Iran). ഇറാന്റെ ഔദ്യോഗിക വാർത്താ ഏജൻസിയായ തസ്നീം ആണ് ഇക്കാര്യം റിപ്പോർട്ട് ചെയ്തത്. നജാഫാബാദ്, ഫെറെയ്ദാൻ, മുബാറകെ, അരാൻ വാ ബിദ്ഗോൾ, കാഷാൻ, ഷഹ്രേസ എന്നിവിടങ്ങളിലാണ് ആക്രമണമുണ്ടായത്.
ആക്രമണത്തിൽ ഫെറെയ്ദാനിലെ 15 ഓളം വീടുകൾക്ക് കനത്ത നാശനഷ്ടങ്ങൾ സംഭവിച്ചിട്ടുണ്ട്. ജനവാസ മേഖലകൾ ലക്ഷ്യമിട്ടാണ് ആക്രമണം നടന്നതെന്ന് പ്രാദേശിക അധികൃതർ ആരോപിച്ചു. കൊല്ലപ്പെട്ടവരിൽ സാധാരണക്കാരുണ്ടെന്നാണ് പ്രാഥമിക വിവരം. ഇറാന്റെ ആണവ കേന്ദ്രങ്ങളും സൈനിക താവളങ്ങളും സ്ഥിതി ചെയ്യുന്ന തന്ത്രപ്രധാനമായ മേഖലയാണ് ഇസ്ഫഹാൻ.
Summary: At least five people were killed in Israeli airstrikes across Iran’s central Isfahan province on Wednesday morning.
