ടെഹ്റാൻ: മേഖലയിൽ സംഘർഷം കടുക്കുന്നതിനിടെ അമേരിക്കയ്ക്കും സഖ്യകക്ഷികൾക്കും ശക്തമായ മുന്നറിയിപ്പുമായി ഇറാൻ (Iran US conflict 2026). തങ്ങളെ ആക്രമിക്കാൻ വരുന്നവരെ തിരിച്ചും ആക്രമിക്കുമെന്നും സ്വയം പ്രതിരോധിക്കാൻ ഒട്ടും മടിക്കില്ലെന്നും ഇറാൻ വിദേശകാര്യ മന്ത്രി അബ്ബാസ് അരാഗ്ചി വ്യക്തമാക്കി. സൈനിക പോരാട്ടം എത്ര കാലത്തേക്ക് വേണമെങ്കിലും തുടരാൻ ഇറാൻ സജ്ജമാണെന്നും അദ്ദേഹം കൂട്ടിച്ചേർത്തു.
ഹോർമുസ് കടലിടുക്കിൽ സംയുക്ത നാവിക പട്രോളിംഗിന് യുഎസ് പ്രസിഡന്റ് ഡോണൾഡ് ട്രംപ് ആഹ്വാനം ചെയ്തതിന് തൊട്ടുപിന്നാലെയാണ് ഇറാന്റെ ഈ പ്രസ്താവന പുറത്തുവരുന്നത്. ഏത് തരത്തിലുള്ള വെല്ലുവിളികളെയും നേരിടാൻ ഇറാൻ സൈന്യം പൂർണ്ണ സജ്ജമാണെന്ന് അരാഗ്ചി പറഞ്ഞു.
ഹോർമുസ് കടലിടുക്ക്: ഹോർമുസ് കടലിടുക്ക് തങ്ങൾ പൂർണ്ണമായി അടച്ചിട്ടിട്ടില്ല. എന്നാൽ അമേരിക്കയ്ക്കും അവരുടെ സഖ്യകക്ഷികൾക്കും ഈ പാത സുരക്ഷിതമായിരിക്കില്ല. വെടിനിർത്തലിനോ നയതന്ത്ര ചർച്ചകൾക്കോ തങ്ങൾ മുൻകൈ എടുത്തിട്ടില്ല. തങ്ങളുടെ ആഭ്യന്തര കാര്യങ്ങളിൽ മറ്റ് രാജ്യങ്ങൾ ഇടപെടരുത്- അദ്ദേഹം കൂട്ടിച്ചേർത്തു.
മേഖലയിലെ സാഹചര്യം കൂടുതൽ വഷളാകാതിരിക്കാൻ മറ്റ് രാജ്യങ്ങൾ സംയമനം പാലിക്കണമെന്നും ഇറാൻ ആവശ്യപ്പെട്ടു. ഹോർമുസ് കടലിടുക്കിലെ ഗതാഗതം തടസ്സപ്പെട്ടതോടെ ആഗോളതലത്തിൽ എണ്ണവില ഉയരുകയും വിതരണ ശൃംഖല പ്രതിസന്ധിയിലാവുകയും ചെയ്തിട്ടുണ്ട്. ഇന്ത്യ ഉൾപ്പെടെയുള്ള രാജ്യങ്ങൾ തങ്ങളുടെ കപ്പലുകളുടെ സുരക്ഷിത യാത്രയ്ക്കായി ഇറാനുമായി നയതന്ത്ര ചർച്ചകൾ നടത്തിവരികയാണ്.
Story Summary:
Iranian Foreign Minister Abbas Araghchi has warned the US that Iran is prepared for a long-term military confrontation and will not hesitate to retaliate against any attacks. Following Donald Trump’s call for joint naval patrolling in the Strait of Hormuz, Araghchi clarified that while the strait isn’t closed, it remains unsafe for the US and its allies. Iran remains firm on its stance, refusing to initiate ceasefire talks while warning other nations against interfering in its internal affairs.
