ബെയ്റൂട്ട്: ഇസ്രായേൽ അതിർത്തിയിൽ നിന്ന് അഞ്ച് കിലോമീറ്റർ പരിധിയിലുള്ള ഗ്രാമങ്ങളിൽ താമസിക്കുന്നവർ ഉടൻ ഒഴിഞ്ഞുപോണമെന്ന് ലെബനീസ് സായുധ സംഘടനയായ ഹിസ്ബുള്ള മുന്നറിയിപ്പ് നൽകി (Hezbollah Warns Israel Border Evacuation). വെള്ളിയാഴ്ച പുലർച്ചെ തങ്ങളുടെ ടെലിഗ്രാം ചാനലിലൂടെ ഹീബ്രു ഭാഷയിലാണ് ഹിസ്ബുള്ള ഈ സന്ദേശം പുറത്തുവിട്ടത്.
ലെബനൻ തലസ്ഥാനമായ ബെയ്റൂട്ടിന്റെ തെക്കൻ പ്രാന്തപ്രദേശമായ ദഹിയേ ഒഴിഞ്ഞുപോണമെന്ന് ഇസ്രായേൽ നൽകിയ മുന്നറിയിപ്പിന് പിന്നാലെയാണ് ഹിസ്ബുള്ളയുടെ ഈ നീക്കം. ലെബനന്റെ പരമാധികാരത്തിന് മേലുള്ള കടന്നുകയറ്റവും സിവിലിയൻ അടിസ്ഥാന സൗകര്യങ്ങൾ തകർക്കുന്നതും വെറുതെ വിടില്ലെന്നും ഹിസ്ബുള്ള പ്രസ്താവനയിൽ പറഞ്ഞു.
തിങ്കളാഴ്ച മുതൽ ലെബനൻ കൂടി പശ്ചിമേഷ്യൻ യുദ്ധത്തിന്റെ ഭാഗമായതോടെ അതിർത്തിയിൽ സംഘർഷം രൂക്ഷമാണ്. എന്നാൽ അതിർത്തി ഗ്രാമങ്ങളിൽ നിന്ന് ആളുകളെ ഒഴിപ്പിക്കില്ലെന്നും പൗരന്മാരുടെ സുരക്ഷയ്ക്കായി കൂടുതൽ സൈന്യത്തെ ലെബനനിലേക്ക് അയക്കുമെന്നുമാണ് ഇസ്രായേൽ നിലപാട്.
Summary:
Hezbollah has issued a warning to Israeli residents living within 5 kilometers of the Lebanese border to evacuate immediately.
