ലോസ് ഏഞ്ചൽസ്: പോപ്പ് ഗായകൻ ജസ്റ്റിൻ ബീബറിന്റെയും ഹെയ്ലി ബീബറിന്റെയും മകൻ ജാക്ക് ബ്ലൂസ് ബീബറിന്റെ പുതിയ വീഡിയോ ആരാധകരുടെ ഹൃദയം കവരുകയാണ് (Hailey Bieber Son Video). തന്റെ കുഞ്ഞു കൈകൾ കൊണ്ട് അമ്മയ്ക്ക് ലഘുഭക്ഷണം നൽകുന്ന ജാക്കിന്റെ ദൃശ്യങ്ങളാണ് ഹെയ്ലി ഇൻസ്റ്റഗ്രാമിലൂടെ പങ്കുവെച്ചത്.
ഹെയ്ലിയുടെ മടിയിലിരിക്കുന്ന ജാക്ക് പിന്നിലേക്ക് തിരിഞ്ഞ് അമ്മയ്ക്ക് സ്നാക്സ് നൽകുന്നതാണ് വീഡിയോയിലുള്ളത്. കുഞ്ഞിന്റെ മുഖം ദൃശ്യങ്ങളിൽ വ്യക്തമല്ല. ‘പേഴ്സണൽ സ്നാക്ക് മെഷീൻ’ എന്ന രസകരമായ അടിക്കുറിപ്പോടെയാണ് ഹെയ്ലി വീഡിയോ പോസ്റ്റ് ചെയ്തത്. സ്റ്റീവി വണ്ടറുടെ ‘ഇന്റ് ഷീ ലൗലി’ (Isn’t She Lovely) എന്ന പ്രശസ്തമായ ഗാനമാണ് പശ്ചാത്തല സംഗീതമായി നൽകിയിരിക്കുന്നത്.
View this post on Instagram
2018-ലായിരുന്നു ജസ്റ്റിൻ ബീബറിന്റെയും ഹെയ്ലിയുടെയും വിവാഹം. 2024 ഓഗസ്റ്റ് 22-നാണ് ഇവർക്ക് മകൻ ജനിച്ചത്. കുഞ്ഞിന്റെ പാദത്തിന്റെ ചിത്രം പങ്കുവെച്ചുകൊണ്ടാണ് ജസ്റ്റിൻ അന്ന് ജാക്കിന്റെ ജനനവാർത്ത ലോകത്തെ അറിയിച്ചത്. ബീബർ ദമ്പതികളുടെ മകന്റെ ഓരോ വിശേഷങ്ങളും വലിയ ആവേശത്തോടെയാണ് സോഷ്യൽ മീഡിയ ഏറ്റെടുക്കുന്നത്.
News Summary: Model Hailey Bieber shared a heartwarming video of her son, Jack Blues Bieber, which has gone viral on social media. The video shows the toddler sitting on his mother’s lap and adorably feeding her snacks. Hailey shared the clip with the playful caption “personal snack machine,” set to Stevie Wonder’s classic track “Isn’t She Lovely.” Justin Bieber and Hailey, who married in 2018, welcomed Jack on August 22, 2024. The couple continues to keep their son’s face private while sharing glimpses of their parenting journey.
