സുലൈമാനിയ: ഇറാഖിലെ കുർദിഷ് മേഖലയിലുള്ള സുലൈമാനിയ നഗരത്തിൽ കഴിഞ്ഞ രാത്രിയുണ്ടായ ഡ്രോൺ ആക്രമണത്തിൽ ഒരു കെട്ടിടത്തിന് കനത്ത നാശനഷ്ടങ്ങൾ സംഭവിച്ചു (Drone attack Sulaimaniyah Iraq). നഗരമധ്യത്തിൽ സ്ഥിതി ചെയ്യുന്ന ഐക്യരാഷ്ട്രസഭയുടെ മുൻ ആസ്ഥാനത്തിന് നേരെയാണ് ആക്രമണമുണ്ടായതെന്ന് പ്രാദേശിക മാധ്യമങ്ങൾ റിപ്പോർട്ട് ചെയ്യുന്നു.
ആക്രമണത്തിന്റെ ആഘാതത്തിൽ കെട്ടിടത്തിന് തീപിടിക്കുകയും ഒരു സുരക്ഷാ ജീവനക്കാരന് പരിക്കേൽക്കുകയും ചെയ്തു. സംഭവസ്ഥലത്ത് നിന്ന് തീയും പുകയും ഉയരുന്ന ദൃശ്യങ്ങൾ സമൂഹമാധ്യമങ്ങളിൽ പ്രചരിക്കുന്നുണ്ട്. മേഖലയിൽ അമേരിക്കൻ സൈനികരുടെ സാന്നിധ്യമുണ്ടെന്ന സംശയത്തെത്തുടർന്നാണ് ഈ ആക്രമണം നടന്നതെന്നാണ് പ്രാഥമിക സൂചനകൾ.
Summary: A drone strike targeted a building in the Iraqi Kurdish city of Sulaimaniyah late Tuesday night, reportedly hitting the former United Nations headquarters.
