ലണ്ടൻ: തിരക്കേറിയ ലണ്ടൻ നഗരത്തിലൂടെ പായുന്ന ആഡംബര കാറുകൾക്കിടയിൽ പെട്ടെന്ന് ഒരു ഇന്ത്യൻ ഓട്ടോറിക്ഷ പ്രത്യക്ഷപ്പെട്ടാലോ? അത്തരമൊരു കാഴ്ചയാണ് ഇപ്പോൾ സോഷ്യൽ മീഡിയയിൽ തരംഗമാകുന്നത് (Auto-Rickshaw London Streets). ലണ്ടൻ തെരുവുകളിലൂടെ ഒരു ഓട്ടോറിക്ഷ കൂളായി ഓടിപ്പോകുന്ന വീഡിയോ കണ്ട് പ്രവാസി ഇന്ത്യക്കാർ അമ്പരപ്പിലാണ്.
ജയ് ധോലാക്കിയ എന്ന ഇൻസ്റ്റാഗ്രാം ഉപയോക്താവാണ് ഈ രസകരമായ വീഡിയോ പങ്കുവെച്ചത്. ലണ്ടൻ നഗരം പെട്ടെന്ന് ഡൽഹിക്ക് തുല്യമായി മാറിയെന്നാണ് വീഡിയോ കണ്ട പലരും അഭിപ്രായപ്പെടുന്നത്. “യുകെ ട്രാഫിക്കിന് ഒരു ദേശി അപ്ഡേറ്റ് ലഭിച്ചിരിക്കുന്നു” എന്ന ക്യാപ്ഷനോടെയാണ് വീഡിയോ പ്രചരിക്കുന്നത്. ഇന്ത്യയിലെ നഗരജീവിതത്തിന്റെ അഭിഭാജ്യ ഘടകമായ ഓട്ടോറിക്ഷ ലണ്ടനിലെ നഗര സാഹചര്യത്തിൽ കാണുന്നത് വളരെ കൗതുകകരമാണെന്ന് നെറ്റിസൺസ് കുറിച്ചു.
മുൻപ് ലണ്ടനിലെ വെംബ്ലി പോലുള്ള സ്ഥലങ്ങളിൽ ഓട്ടോറിക്ഷ കണ്ടിട്ടുണ്ടെന്ന് ചിലർ കമന്റ് ചെയ്തപ്പോൾ, ലണ്ടനിലെ കിലോമീറ്ററുകൾ നീണ്ട നടത്തം ഒഴിവാക്കാൻ ഓട്ടോറിക്ഷകൾ അവിടെയും അത്യാവശ്യമാണെന്നായിരുന്നു മറ്റ് ചിലരുടെ തമാശരൂപേണയുള്ള പ്രതികരണം. വിദേശ രാജ്യങ്ങളിൽ ഇത്തരം ഇന്ത്യൻ അടയാളങ്ങൾ കാണുന്നത് പ്രവാസികളിൽ വലിയ ഗൃഹാതുരത്വമാണ് ഉണ്ടാക്കുന്നത്.
View this post on Instagram
