ന്യൂഡൽഹി : നാഷണലിസ്റ്റ് കോൺഗ്രസ് പാർട്ടി (എൻസിപി) നേതാവ് ബാബ സിദ്ദിഖിൻ്റെ കൊലപാതകത്തിൽ ദുഃഖം രേഖപ്പെടുത്തി പീപ്പിൾസ് ഡെമോക്രാറ്റിക് പാർട്ടി നേതാവ് മെഹബൂബ മുഫ്തി. ബാബ സിദ്ദിഖിൻ്റെ കുടുംബത്തെയും , പ്രിയപ്പെട്ടവരെയും കുറിച്ച് ഓർക്കുമ്പോൾ തന്റെ ഹൃദയം വെമ്പുകയാണെന്നും അവർ പറഞ്ഞു ( Mehbooba Mufti ).
"ബാബ സിദ്ദിഖ് സാഹബിൻ്റെ കൊലപാതകം കേട്ടപ്പോൾ ഞെട്ടലും സങ്കടവും തോന്നുന്നു. അദ്ദേഹത്തിന് വൈ കാറ്റഗറി സുരക്ഷയുണ്ടായിരുന്നിട്ടും പട്ടാപ്പകലാണ് ഇത് സംഭവിച്ചതെന്നറിയുന്നതിൽ അസ്വസ്ഥതയുണ്ട്. അദ്ദേഹത്തിൻ്റെ കുടുംബത്തിനും പ്രിയപ്പെട്ടവർക്കും എൻ്റെ ഹൃദയം തുടിക്കുന്നു. പരേതർക്ക് അല്ലാഹു മഗ്ഫിറത്ത് നൽകട്ടെ.," എക്‌സിലെ ഒരു പോസ്റ്റിൽ മുഫ്തി പറഞ്ഞു.