സിംഗപ്പൂർ: റോഡരികിൽ വീണുകിടക്കുന്ന മാമ്പഴം പെറുക്കിയാൽ ലക്ഷങ്ങൾ പിഴയൊടുക്കേണ്ടി വരുമെന്ന വാർത്ത സോഷ്യൽ മീഡിയയിൽ വൈറലാകുന്നു (Singapore Mango Fine). സിംഗപ്പൂരിൽ താമസിക്കുന്ന ഇന്ത്യൻ വംശജയായ പ്രിയങ്ക സിൻഹ എക്സിലൂടെ (X) പങ്കുവെച്ച വീഡിയോയാണ് ഈ കർശന നിയമത്തെക്കുറിച്ച് ചർച്ചകൾക്ക് തുടക്കമിട്ടത്.
സിംഗപ്പൂരിലെ പൊതുസ്ഥലങ്ങളിൽ നിൽക്കുന്ന മരങ്ങളിൽ നിന്ന് വീണ മാങ്ങ പെറുക്കിയാൽ ഏകദേശം 5,000 സിംഗപ്പൂർ ഡോളർ (ഏകദേശം 3.74 ലക്ഷം രൂപ) വരെയാണ് പിഴ ഈടാക്കുന്നത്. പൊതുസ്ഥലങ്ങളിലെ ഫലവൃക്ഷങ്ങൾ സർക്കാർ സ്വത്തായാണ് കണക്കാക്കുന്നത്. അധികൃതരുടെ (NParks) മുൻകൂർ അനുവാദമില്ലാതെ ഇവ പറിക്കാനോ നിലത്തുനിന്ന് ശേഖരിക്കാനോ പാടില്ല.
View this post on Instagram
പാർക്സ് ആൻഡ് ട്രീസ് ആക്ട് പ്രകാരമാണ് 5,000 ഡോളർ പിഴ ഈടാക്കുന്നത്. എന്നാൽ നാഷണൽ പാർക്കുകളിലോ സംരക്ഷണ കേന്ദ്രങ്ങളിലോ ആണ് നിയമലംഘനമെങ്കിൽ പിഴ 50,000 ഡോളർ വരെയും ആറുമാസം തടവുശിക്ഷയും ലഭിക്കാം.
പൊതുമുതൽ സംരക്ഷിക്കുന്നതിനും നഗരം വൃത്തിയായി സൂക്ഷിക്കുന്നതിനും വേണ്ടിയാണ് സിംഗപ്പൂർ സർക്കാർ ഇത്തരം കടുത്ത നിയമങ്ങൾ നടപ്പിലാക്കുന്നത്. ഇന്ത്യയിൽ വഴിയോരത്തെ മാങ്ങ പെറുക്കുന്നത് സാധാരണമായതിനാൽ, സിംഗപ്പൂരിലെ ഈ നിയമം പ്രവാസികൾക്കിടയിലും നാട്ടുകാർക്കിടയിലും വലിയ അമ്പരപ്പാണ് ഉണ്ടാക്കിയിരിക്കുന്നത്.
News Summary: A video by an Indian expat, Priyanka Sinha, detailing Singapore’s strict laws regarding public property has gone viral. In Singapore, picking up a mango fallen on the roadside can lead to a fine of up to 5,000 SGD (approx. ₹3.74 lakh). Under the Parks and Trees Act, all trees on public land are government property managed by NParks. Unauthorized collection of fruit from public parks is illegal, and if the violation occurs in nature reserves, the fine can escalate to 50,000 SGD along with potential imprisonment.
