വെണ്ടയ്ക്ക കൊണ്ടു വളരെ എളുപ്പം തയാറാക്കാവുന്ന ഒരു പലഹാരം. ചായയ്ക്കൊപ്പമോ ചോറിന്റെ കൂടെയോ കഴിക്കാൻ പറ്റിയ വിഭവമാണിത്.
ചേരുവകൾ
വെണ്ടയ്ക്ക -100 ഗ്രാം
കടലമാവ് - 2 മുതൽ 3 ടേബിൾ സ്പൂൺ
അരിപ്പൊടി - 1 ടേബിൾ സ്പൂൺ
മുളകുപൊടി -1 ടീസ്പൂൺ
മഞ്ഞൾപ്പൊടി-1/4 ടീസ്പൂൺ
മല്ലിപ്പൊടി -1/2 ടീസ്പൂൺ
ഗരം മസാല-1/2 ടീസ്പൂൺ
ചാറ്റ് മസാല - 1 ടീസ്പൂൺ
ലെമൺ ജ്യൂസ്‌ - 1 ടീസ്പൂൺ
ഉപ്പ് - ആവശ്യത്തിന്
തയാറാക്കുന്ന വിധം
വെണ്ടയ്ക്ക നാലാക്കി നീളത്തിൽ മുറിച്ചെടുക്കുക. അതിലേക്ക് ഉപ്പും മുളകുപൊടിയും മറ്റു മസാലകളും നാരങ്ങാനീരും ചേർത്ത് ഇളക്കുക. ശേഷം 2 ടേബിൾ സ്പൂൺ കടലമാവും അരിപ്പൊടിയും ചേർത്ത് ഇളക്കുക.
അതിലേക്കു ചെറുതായി വെള്ളം തളിച്ചു മസാലകളും ഉപ്പും വെണ്ടയ്ക്കയിലേക്കു പിടിപ്പിച്ചതിനു ശേഷം 10 മിനിറ്റ് മാറ്റി വയ്ക്കുക. ശേഷം എണ്ണ തിളപ്പിച്ച് ഇത് വറുത്ത് എടുക്കാം.