മലബാറിലെ, പ്രത്യേകിച്ച് കാസർഗോഡിന്റെ, സ്പെഷ്യലും രുചികരവുമായ ലഘുഭക്ഷണങ്ങളിൽ ഒന്നാണ് കായ് പോള അല്ലെങ്കിൽ ബനാന കേക്ക് എന്നറിയപ്പെടുന്ന ഈ വിഭവം. ഇതിലെ ചേരുവകളും ഉണ്ടാക്കുന്ന രീതിയും അറിഞ്ഞാൽ വളരെ എളുപ്പത്തിലും അതീവ രുചിയിലും ഇത് തയ്യാറാക്കാം.
ചേരുവകൾ :
വെളിച്ചെണ്ണ
നെയ്യ്
മുട്ട
ഏലം
ഉണക്കമുന്തിരി
കശുവണ്ടി
വാഴപ്പഴം
പഞ്ചസാര
തയ്യാറാക്കുന്ന വിധം:
വാഴപ്പഴം തൊലി കളഞ്ഞ് ചെറിയ കഷണങ്ങളാക്കി മുറിക്കുക.
ഒരു നോൺസ്റ്റിക് പാനിൽ എണ്ണയോ നെയ്യോ ഒഴിച്ച് ചൂടാക്കി, കശുവണ്ടി, ഉണക്കമുന്തിരി എന്നിവ ചേർത്ത് സ്വർണ്ണ നിറമാകുന്നതുവരെ വറുത്ത് മാറ്റി വയ്ക്കുക.
ഇതേ പാനിൽ വാഴപ്പഴം അരിഞ്ഞത് ചേർത്ത് വഴറ്റുക.
ഒരു പാത്രത്തിൽ ഏലയ്ക്കാപ്പൊടി, പഞ്ചസാര എന്നിവ ചേർത്ത് നന്നായി യോജിപ്പിക്കുക. അതിലേക്ക് മുട്ട ചേർത്ത് നന്നായി ഇളക്കുക.
ഒരു നോൺ-സ്റ്റിക്ക് പാൻ അല്ലെങ്കിൽ ഒരു കുക്കർ ഉപയോഗിക്കാം. അതിൽ വാഴപ്പഴത്തിന്റെയും മുട്ടയുടെയും മിശ്രിതം ചേർക്കുക. മുട്ട മിശ്രിതത്തിന് മുകളിൽ വറുത്ത കശുവണ്ടി, ഉണക്കമുന്തിരി എന്നിവ ചേർക്കുക. കുറഞ്ഞ തീയിൽ 15 മുതൽ 20 മിനിറ്റ് വരെ വേവിക്കുക. സ്വാദിഷ്ടമായ കായ് പോള തയ്യാർ.