കൊൽക്കത്ത: ടി20 ലോകകപ്പിൽ വെസ്റ്റ് ഇൻഡീസിനെതിരെ ഇന്ത്യ നേടിയ ആവേശോജ്ജ്വല വിജയത്തിന് പിന്നാലെ മലയാളി താരം സഞ്ജു സാംസണെ പ്രശംസകൊണ്ട് മൂടി കായിക-സിനിമ ലോകത്തെ പ്രമുഖർ. സഞ്ജുവിന്റെ പോരാട്ടവീര്യത്തെ ബാറ്റിംഗ് ഇതിഹാസം സച്ചിൻ ടെൻഡുൽക്കർ വാനോളം പുകഴ്ത്തിയപ്പോൾ, മലയാളത്തിന്റെ മെഗാസ്റ്റാറുകൾ താരത്തിന് അഭിനന്ദനങ്ങളുമായി രംഗത്തെത്തി.(India enters semi-finals on Sanju Samson’s strength, congratulations pour in, including from the film industry)
സഞ്ജു ക്രീസിൽ പുലർത്തിയ അസാമാന്യമായ ഏകാഗ്രതയെയും ശാന്തതയെയുമാണ് സച്ചിൻ എടുത്തുപറഞ്ഞത്. എക്സ് പോസ്റ്റിലൂടെയായിരുന്നു സച്ചിന്റെ പ്രതികരണം. നമ്മുടെ കുട്ടികൾ ഈ പോരാട്ടം അതിമനോഹരമായി കൈകാര്യം ചെയ്തു. രണ്ട് ഇന്നിംഗ്സുകളിലെയും അവസാന ഓവറുകൾ കൃത്യമായി നിയന്ത്രിക്കാനായത് ഇന്ത്യയ്ക്ക് മുൻതൂക്കം നൽകി. ക്രീസിൽ സഞ്ജു സാംസൺ പുലർത്തിയ ആ ശാന്തത കാണാൻ തന്നെ എന്തൊരു ഭംഗിയായിരുന്നു! അത്തരമൊരു സാന്നിധ്യം ഒരു ടീമിന് നൽകുന്ന ആത്മവിശ്വാസം ചെറുതല്ല. ഇനി നേരെ സെമി ഫൈനലിലേക്ക് എന്നാണ് അദ്ദേഹം പറഞ്ഞത്.
മലയാളത്തിന്റെ അഭിമാനമായ സഞ്ജുവിന്റെ ലോകകപ്പിലെ മികച്ച പ്രകടനത്തിൽ മമ്മൂട്ടിയും മോഹൻലാലും സന്തോഷം പങ്കുവെച്ചു. സഞ്ജുവിന്റെ ഇന്നിംഗ്സ് ഓരോ മലയാളിക്കും അഭിമാന നിമിഷമാണെന്ന് താരങ്ങൾ സോഷ്യൽ മീഡിയയിൽ കുറിച്ചു.
