മുംബൈ: അടുത്ത മാസം ശ്രീലങ്കയിൽ നടക്കാനിരിക്കുന്ന ത്രിരാഷ്ട്ര പരമ്പരയ്ക്കുള്ള ഇന്ത്യ എ ടീമിനെ പ്രഖ്യാപിച്ചു (India A Squad Sri Lanka 2026). യുവതാരം തിലക് വർമ്മയാണ് ടീമിനെ നയിക്കുന്നത്. രാജസ്ഥാൻ താരം റിയാൻ പരാഗ് ഉപനായകനാകും. ഇന്ത്യ എ, ശ്രീലങ്ക എ, അഫ്ഗാനിസ്ഥാൻ എ ടീമുകളാണ് പരമ്പരയിൽ ഏറ്റുമുട്ടുന്നത്.
ഐപിഎല്ലിലെയും അണ്ടർ 19 ലോകകപ്പിലെയും തകർപ്പൻ പ്രകടനത്തിന് പിന്നാലെ യുവ സെൻസേഷൻ വൈഭവ് സൂര്യവൻഷി ടീമിൽ ഇടംനേടി. നിലവിലെ ഐപിഎൽ സീസണിൽ 440 റൺസുമായി മിന്നും ഫോമിലാണ് താരം. ഐപിഎല്ലിൽ തിളങ്ങിയ പ്രിയാൻഷ് ആര്യ, പ്രഭ്സിമ്രൻ സിങ്, അൻഷുൽ കംബോജ്, സൂര്യാൻശ് ഷെഡ്ഗെ എന്നിവരും പതിനഞ്ചംഗ സംഘത്തിലുണ്ട്.
ജൂൺ 9-ന് ദാംബുള്ളയിൽ ഇന്ത്യ എ – ശ്രീലങ്ക എ മത്സരത്തോടെ ടൂർണമെന്റ് ആരംഭിക്കും. ഡബിൾ റൗണ്ട് റോബിൻ ഫോർമാറ്റിൽ നടക്കുന്ന പരമ്പരയുടെ ഫൈനൽ ജൂൺ 21-നാണ്.
ഏകദിന പരമ്പരയ്ക്ക് ശേഷം ശ്രീലങ്ക എ ടീമുമായി ഇന്ത്യ എ രണ്ട് റെഡ് ബോൾ മത്സരങ്ങളും കളിക്കും. ഇതിനുള്ള ടീമിനെ പിന്നീട് പ്രഖ്യാപിക്കും. ഗാലെയിലാണ് ഈ മത്സരങ്ങൾ നടക്കുക.
ഇന്ത്യ എ സ്ക്വാഡ്: തിലക് വർമ്മ (C), റിയാൻ പരാഗ് (VC), പ്രിയാൻഷ് ആര്യ, വൈഭവ് സൂര്യവൻഷി, ആയുഷ് ബദോനി, നിഷാന്ത് സിന്ധു, ഹർഷ് ദുബേ, സുര്യൻഷ് ഷെഡ്ഗെ, പ്രഭ്സിമ്രൻ സിങ് (WK), കുമാർ കുശാഗ്ര (WK), വിപ്രജ് നിഗം, യഷ് താക്കൂർ, യുധ്വീർ സിങ്, അൻഷുൽ കംബോജ്, അർഷാദ് ഖാൻ.
News Summary: Tilak Varma will lead the India A squad for the upcoming Tri-Series in Sri Lanka involving Afghanistan A and Sri Lanka A. Riyan Parag has been named vice-captain. The squad features young sensation Vaibhav Suryavanshi, following his record-breaking IPL season and stellar U-19 World Cup performance. Other IPL performers like Priyansh Arya and Prabhsimran Singh also made the cut. The white-ball tournament begins on June 9 in Dambulla, followed by two red-ball matches in Galle.
