ഹൈദരാബാദ്: കന്നഡ സീരിയൽ നടിക്കെതിരെ സാമൂഹിക മാധ്യമങ്ങൾ വഴി ലൈംഗികാതിക്രമം നടത്തിയ മലയാളി യുവാവ് അറസ്റ്റിൽ. ബംഗളൂരു വൈറ്റ് ഫീൽഡിൽ താമസിക്കുന്ന നവീൻ ആണ് അന്നപൂർണേശ്വരി പോലീസിന്റെ പിടിയിലായത്.(Malayali arrested for sexual assault on Kannada serial actress)
തെലുങ്ക്, കന്നഡ സീരിയലുകളിൽ അഭിനയിക്കുന്ന നടിയാണ് പരാതി നൽകിയത്. നവീൻ സാമൂഹിക മാധ്യമങ്ങൾ വഴി നടിക്കുനേരെ നിരന്തരം അശ്ലീല സന്ദേശങ്ങൾ അയച്ചിരുന്നു. നടി നേരിട്ട് വിളിച്ച് വിലക്കിയിട്ടും സന്ദേശം അയക്കുന്നത് ഇയാൾ തുടർന്നു.
ഇതിനുപുറമെ, നടിയുടെ സ്വകാര്യ അശ്ലീല ഫോട്ടോകൾ അയച്ച് അപമാനിക്കുകയും ചെയ്തു. ഈ പരാതിയുടെ അടിസ്ഥാനത്തിലാണ് പോലീസ് നവീനെ അറസ്റ്റ് ചെയ്തത്. പ്രതിക്കെതിരെ നിയമനടപടികൾ സ്വീകരിച്ചു വരികയാണ്.