ബംഗളൂരു: വാട്സ്ആപ്പിൽ വന്ന ഒരു വിവാഹക്ഷണക്കത്ത് ഡൗൺലോഡ് ചെയ്ത ബിസിനസുകാരന് നഷ്ടമായത് അഞ്ച് ലക്ഷത്തിലധികം രൂപ (WhatsApp APK Scam Bengaluru). ബംഗളൂരു സ്വദേശിയായ നൂർ നഹീദ് ഖാൻ (42) ആണ് തട്ടിപ്പിന് ഇരയായത്. അപരിചിതമായ നമ്പറിൽ നിന്ന് ലഭിക്കുന്ന സന്ദേശങ്ങളിലെ ലിങ്കുകളും ഫയലുകളും എത്രത്തോളം അപകടകരമാണെന്ന് വ്യക്തമാക്കുന്ന സംഭവമാണ് ബംഗളുരുവിൽ നിന്നും റിപ്പോർട്ട് ചെയ്യുന്നത്.
വിവാഹക്ഷണക്കത്തിന്റെ വിശദാംശങ്ങൾ കാണാൻ എന്ന വ്യാജേന ഒരു എപികെ (APK) ഫയലടങ്ങിയ സന്ദേശമാണ് ലഭിച്ചത്. ഇത് ഡൗൺലോഡ് ചെയ്തതോടെ ഫോണിൽ മാൽവെയർ (Malware) ഇൻസ്റ്റാൾ ആകുകയായിരുന്നു. മെയ് 7-ന് വിവിധ യുപിഐ ഇടപാടുകളിലൂടെ ആകെ 5,00,440 രൂപയാണ് അക്കൗണ്ടിൽ നിന്ന് പിൻവലിക്കപ്പെട്ടത്. തട്ടിപ്പുകാരൻ നിയന്ത്രിക്കുന്ന മാൽവെയർ വഴി ഫോണിലെ ബാങ്കിംഗ് വിവരങ്ങൾ ചോർത്തുകയായിരുന്നു.
ഉപയോക്താവ് അറിയാതെ തന്നെ ഫോണിലെ ക്യാമറ, ബാങ്കിംഗ് ആപ്പുകൾ, ഗൂഗിൾ പേ എന്നിവ കൈകാര്യം ചെയ്യാനുള്ള അനുമതി ഈ മാൽവെയർ ആപ്പ് സ്വന്തമാക്കിയിരുന്നതായി സൈബർ സെൽ കണ്ടെത്തി. ഐടി ആക്ട് പ്രകാരം പോലീസ് കേസെടുത്ത് അന്വേഷണം ആരംഭിച്ചു.
ശ്രദ്ധിക്കുക: ആൻഡ്രോയിഡ് ഉപയോക്താക്കൾ എപികെ ഫയലുകൾ ഇൻസ്റ്റാൾ ചെയ്യുമ്പോൾ അതീവ ജാഗ്രത പാലിക്കണം. ഇത്തരം തട്ടിപ്പുകൾ വ്യാപകമാകുന്നതിനാൽ സംശയാസ്പദമായ ലിങ്കുകളോ ഫയലുകളോ തുറക്കരുതെന്ന് പോലീസ് മുന്നറിയിപ്പ് നൽകുന്നു.
News Summary: A Bengaluru-based businessman lost over ₹5 lakh after opening a wedding invitation sent as an APK file on WhatsApp. Noor Naheed Khan downloaded the file from an unknown number, which installed malware on his phone. Between the early hours and evening of May 7, ₹5,00,440 was withdrawn from his account via multiple UPI transactions. Cyber experts found that the malicious app gained unauthorized access to banking apps and personal data. Police have registered a case under the IT Act and cautioned users against downloading suspicious APK files.
