അംറോഹ: ഉത്തർപ്രദേശിലെ അംറോഹ ജില്ലയിൽ ഭർത്താവിനെ ക്രൂരമായി കൊലപ്പെടുത്തിയ ശേഷം രാത്രി മുഴുവൻ മൃതദേഹത്തിനരികെ മക്കളോടൊപ്പം കിടന്നുറങ്ങിയ യുവതിയും കാമുകനും പിടിയിലായി (UP Woman Kills Husband). അംറോഹയിലെ പിപ്ലാവോട്ടി കല ഗ്രാമത്തിൽ താമസിക്കുന്ന മേസ്ത്രിയായ മെഹ്രാജ് ആണ് കൊല്ലപ്പെട്ടത്. സംഭവത്തിൽ മെഹ്രാജിന്റെ ഭാര്യ റൂഹി, കാമുകൻ ഫർമാൻ, സുഹൃത്ത് അദ്നാൻ എന്നിവരെ പോലീസ് അറസ്റ്റ് ചെയ്തു.
റൂഹിയും ഫർമാനും തമ്മിലുള്ള അവിഹിത ബന്ധം മെഹ്രാജ് അറിഞ്ഞതും ഇത് ചോദ്യം ചെയ്തതുമാണ് കൊലപാതകത്തിലേക്ക് നയിച്ചത്. ഭർത്താവിനെ ഒഴിവാക്കി ഫർമാനൊപ്പം ജീവിക്കാൻ റൂഹി പദ്ധതിയിടുകയായിരുന്നു. കൊലപാതകം നടത്തുന്നതിനായി റൂഹി ഭർത്താവിന്റെ ഭക്ഷണത്തിൽ ഉറക്കഗുളിക കലർത്തി നൽകി. മെഹ്രാജ് അബോധാവസ്ഥയിലായതോടെ ഫർമാനെയും അദ്നാനെയും റൂഹി വീട്ടിലേക്ക് വിളിച്ചുവരുത്തി. തുടർന്ന് മെഹ്രാജിന്റെ കൈകാലുകൾ കെട്ടിയിട്ട ശേഷം കഴുത്തറുത്ത് കൊലപ്പെടുത്തുകയായിരുന്നു.
ക്രൂരമായ ഈ കൃത്യത്തിന് ശേഷം പിടിക്കപ്പെടാതിരിക്കാൻ റൂഹി മൃതദേഹം കിടന്ന കട്ടിലിന് തൊട്ടടുത്ത കട്ടിലിൽ മക്കളോടൊപ്പം രാത്രി മുഴുവൻ കിടന്നുറങ്ങി. പിറ്റേന്ന് രാവിലെ വീട്ടിലെത്തിയ മെഹ്രാജിന്റെ പിതാവാണ് കൈകാലുകൾ കെട്ടിയിട്ട നിലയിൽ വരാന്തയിൽ മകന്റെ മൃതദേഹം കണ്ടത്. മോഷണശ്രമത്തിനിടെ നടന്ന കൊലപാതകമാണെന്ന് വരുത്തിത്തീർക്കാൻ റൂഹി ശ്രമിച്ചെങ്കിലും പിതാവിനുണ്ടായ സംശയമാണ് സത്യം പുറത്തുകൊണ്ടുവന്നത്. പോലീസ് ചോദ്യം ചെയ്തതോടെ റൂഹി കുറ്റം സമ്മതിച്ചു. പ്രതികളിൽ നിന്ന് കൊലപാതകത്തിന് ഉപയോഗിച്ച രണ്ട് കത്തികളും മൊബൈൽ ഫോണുകളും പോലീസ് കണ്ടെടുത്തു.
Summary: In a chilling incident in Uttar Pradesh’s Amroha, a woman named Ruhi, along with her lover Farman and his friend Adnan, was arrested for the brutal murder of her husband, Mehraj. After her affair was discovered, Ruhi drugged Mehraj and called her accomplices to slit his throat while he was bound. She then slept beside the corpse throughout the night with her children to avoid suspicion.
