കൊടൈക്കനാൽ: പുതുവത്സരാഘോഷങ്ങൾക്കായി കൊടൈക്കനാലിലേക്ക് വിനോദസഞ്ചാരികളുടെ കുത്തൊഴുക്ക് തുടരുന്നു (Tourists flock to Kodaikanal). ദിണ്ടിഗൽ ജില്ലയിലെ ലോകപ്രശസ്ത വിനോദസഞ്ചാര കേന്ദ്രമായ കൊടൈക്കനാലിൽ അർദ്ധവാർഷിക പരീക്ഷാ അവധിയായതിനാൽ കഴിഞ്ഞ ഒരാഴ്ചയായി വിനോദസഞ്ചാരികളുടെ വരവ് വർധിച്ചിരിക്കുയാണ്.
ഇതോടെ കൊടൈക്കനാലിലെ എല്ലാ ഹോട്ടലുകളും , ലോഡ്ജുകളും, ഹോം സ്റ്റേകളും നിറഞ്ഞ അവസ്ഥയിലാണ്. കൂടാതെ ടൂറിസ്റ്റ് വാഹനങ്ങളുടെ വരവ്മൂലം കൊടൈക്കനാലിൻ്റെ പ്രവേശന കവാടം, സിൽവർ ഫാൾസ്, നഗർ ഏരിയ, എല്ലാ വിനോദസഞ്ചാര കേന്ദ്രങ്ങളിലും കനത്ത ഗതാഗതക്കുരുക്കുണ്ടായി. ചിലയിടങ്ങളിൽ മണിക്കൂറുകളോളം ഗതാഗതക്കുരുക്ക് അനുഭവപ്പെട്ടതും സഞ്ചാരികളെ ഏറെ ബുദ്ധിമുട്ടിലാക്കി.
കൊടൈക്കനാലിൽ ഒത്തുകൂടിയ വിനോദസഞ്ചാരികൾ തൂൻപാറ, ഗുണ ഗുഹ, പൈൻ ഫോറസ്റ്റ്, മോയർ പോയിൻ്റ് എന്നിവയുടെ സൗന്ദര്യം കണ്ട് ആസ്വദിക്കാനാണ് കൂടുതൽ സമയം ചിലവഴിക്കുന്നത്. ഇതിൽ പില്ലർ റോക്ക് ഭാഗത്ത് മാത്രം വെളുത്ത നിറത്തിലുള്ള മേഘം ദൃശ്യമായതിനാൽ വിനോദസഞ്ചാരികൾ കാത്തിരുന്ന് ആസ്വദിക്കുന്ന അവസ്ഥയാണ്.
നക്ഷത്ര തടാകത്തിലെ കൃത്രിമ നീരുറവ കണ്ടുകൊണ്ട് തടാക പാതയിലൂടെ ബോട്ടിങ്ങും കുതിര സവാരിയും അവർ ആസ്വദിക്കുന്നുണ്ട്.
കൊടൈക്കനാലിൽ തുടർച്ചയായി പെയ്യുന്ന മഴയിൽ വില്ലി വെള്ളച്ചാട്ടത്തിലും വട്ടക്കനാൽ വെള്ളച്ചാട്ടത്തിലും വെള്ളം കൂടുതലായി ഒഴുകുകയാണ്. വിനോദസഞ്ചാരികളും ഇവിടെ ഒത്തുകൂടി, ഫോട്ടോയും സെൽഫിയും എടുത്തു പുതുവർഷത്തെ വരവേൽക്കാൻ ഒരുങ്ങുകയാണ്.