ലോകോത്തര സാങ്കേതിക തികവിന്റെയും വിട്ടുവീഴ്ചയില്ലാത്ത കൃത്യതയുടെയും കരുത്തിൽ മുൻനിര ഇന്ത്യൻ വാച്ച് നിർമ്മാതാക്കളായ ടൈറ്റൻ (Titan Watches) ഗിന്നസ് ബുക്ക് ഓഫ് വേൾഡ് റെക്കോർഡ്സിൽ ഇടംപിടിച്ചു (Titan Watches Guinness World Record). സമുദ്രത്തിനടിയിലെ കടുത്ത മർദ്ദത്തെയും പ്രതികൂല സാഹചര്യങ്ങളെയും അതിജീവിച്ച്, ലോകത്തിലെ ഏറ്റവും ആഴമേറിയ അണ്ടർവാട്ടർ പ്രൊഡക്റ്റ് ഫോട്ടോഷൂട്ട് (Deepest Underwater Product Photoshoot) വിജയകരമായി പൂർത്തിയാക്കിയാണ് ടൈറ്റൻ ഈ അപൂർവ്വ ആഗോള നേട്ടം സ്വന്തമാക്കിയത്.
ടൈറ്റന്റെ ഏറ്റവും പുതിയ ലിമിറ്റഡ് എഡിഷൻ മോഡലായ ‘ടൈറ്റൻ സീറോ അവർ 500 മീറ്റർ പ്രൊഫഷണൽ ഡൈവേഴ്സ് ഓട്ടോമാറ്റിക്’ (Titan Zero Hour 500m Professional Diver’s Automatic) വാച്ച് ഉപയോഗിച്ച് സമുദ്ര ഉപരിതലത്തിൽ നിന്നും 52.1 മീറ്റർ ആഴത്തിലാണ് ഈ ചരിത്ര നേട്ടം കുറിച്ചത്. തായ്ലൻഡിലെ പ്രശസ്ത ടൂറിസ്റ്റ് കേന്ദ്രമായ ഫൂക്കറ്റിലുള്ള റാച്ച നോയ് ഐലൻഡ് (Racha Noi Island) തീരത്താണ് ടൈറ്റൻ ഈ സാഹസിക ഉദ്യമം നടത്തിയത്. അന്താരാഷ്ട്ര തലത്തിൽ സർട്ടിഫൈഡ് ആയ അഞ്ച് ടെക്നിക്കൽ ഡൈവർമാരടങ്ങുന്ന വിദഗ്ദ്ധ സംഘമാണ് വാച്ചിന്റെ കൃത്യതയും പ്രകടനക്ഷമതയും തെളിയിക്കാനുള്ള ദൗത്യത്തിന് ഇറങ്ങിത്തിരിച്ചത്.
വെറും ഏഴ് മിനിറ്റിനുള്ളിൽ 50 മീറ്റർ ആഴം പിന്നിട്ട ഡൈവർമാർ, പരമാവധി 52.1 മീറ്റർ താഴേക്ക് ഇറങ്ങി. സമുദ്രത്തിന്റെ അതികഠിനമായ സ്വാഭാവിക സാഹചര്യങ്ങളെ നേരിട്ട്, വെറും 20 മിനിറ്റ് സമയം കൊണ്ടാണ് അത്യാധുനിക അണ്ടർവാട്ടർ ക്യാമറകൾ ഉപയോഗിച്ചുള്ള പ്രൊഡക്റ്റ് ഫോട്ടോഷൂട്ട് ഇവർ വിജയകരമായി പൂർത്തിയാക്കിയത്.
ഇന്ത്യൻ വാച്ച് നിർമ്മാണ മേഖലയ്ക്ക് ലോകത്തെ ഏറ്റവും വലിയ വെല്ലുവിളികൾ നിറഞ്ഞ വേദികളിൽ പോലും തനതായ മുദ്ര പതിപ്പിക്കാൻ കഴിയുമെന്ന ആത്മവിശ്വാസത്തിന്റെ പ്രതിഫലനമാണ് ‘സീറോ അവർ’ വാച്ചുകളെന്ന് ടൈറ്റൻ കമ്പനി ലിമിറ്റഡിന്റെ വാച്ചസ് ഡിവിഷൻ സിഇഒ കുരുവിള മാർക്കോസ് പറഞ്ഞു. ഐഎസ്ഒ 6425 (ISO 6425) അന്താരാഷ്ട്ര നിലവാരം, പാഡി (PADI) വാലിഡേഷൻ എന്നിവയ്ക്ക് പുറമെ ഇപ്പോൾ ലഭിച്ച ഗിന്നസ് വേൾഡ് റെക്കോർഡും ടൈറ്റന്റെ മികച്ച എഞ്ചിനീയറിംഗ് മികവിനും നൂതനത്വത്തിനുമുള്ള അംഗീകാരമാണെന്ന് അദ്ദേഹം കൂട്ടിച്ചേർത്തു.
ടൈറ്റന്റെ കീഴിലുള്ള പ്രത്യേക പെർഫോമൻസ് സ്പോർട്സ് വാച്ച് സബ് ബ്രാൻഡാണ് ‘സീറോ അവർ’ (Zero Hour). സാഹസിക പ്രിയർക്കായി അവതരിപ്പിച്ചിരിക്കുന്ന ടൈറ്റൻ സീറോ അവർ കളക്ഷനിൽ നിലവിൽ 12 പ്രീമിയം വാച്ചുകളാണ് ഉൾപ്പെടുന്നത്. 100 മീറ്റർ മുതൽ 500 മീറ്റർ വരെ ആഴത്തിലുള്ള കടുത്ത ജലമർദ്ദത്തെ പ്രതിരോധിക്കാൻ (Water Resistant) ശേഷിയുള്ള ഈ വാച്ചുകൾക്ക് വിപണിയിൽ 15,795 രൂപ മുതൽ 77,995 രൂപ വരെയാണ് വില നിശ്ചയിച്ചിരിക്കുന്നത്. രാജ്യത്തുടനീളമുള്ള ടൈറ്റൻ വേൾഡ് സ്റ്റോറുകൾ, പ്രീമിയം വാച്ച് റീട്ടെയിലർമാർ, പ്രമുഖ ഇ-കൊമേഴ്സ് പ്ലാറ്റ്ഫോമുകൾ എന്നിവയ്ക്ക് പുറമെ കമ്പനിയുടെ ഔദ്യോഗിക വെബ്സൈറ്റായ www.titan.co.in വഴിയും ഇവ സ്വന്തമാക്കാം.
Story Summary: Titan Watches has secured a Guinness World Record for executing the world’s deepest underwater product photoshoot at a depth of 52.1 meters off Racha Noi Island in Phuket, Thailand. The historic feat showcased the precision of its limited edition ‘Titan Zero Hour 500m Professional Diver’s Automatic’ watch, tested by five certified technical divers.
