കലബുറഗി: മണികേശ്വര കോളനിയിലെ അടച്ചുറപ്പില്ലാത്ത കുഴൽക്കിണറിൽ വീണ നായ്ക്കുട്ടിയെ രക്ഷപ്പെടുത്തി അഗ്നിശമന സേനാംഗങ്ങൾ (borewell accident). വെള്ളിയാഴ്ച രാത്രിയാണ് സംഭവം. കളിച്ചുകൊണ്ടിരുന്ന ഒരു കുട്ടി, നായ്ക്കുട്ടിയെ തുറന്ന കുഴൽക്കിണറിൽ തള്ളിയിടുകയായിരുന്നു എന്നാണ് റിപ്പോർട്ട്. നായ്ക്കുട്ടിയുടെ കരച്ചിൽ കേട്ട് നാട്ടുകാർ ഫയർഫോഴ്സിൽ വിവരമറിയിക്കുകയായിരുന്നു. അവർ ഉടൻ തന്നെ സ്ഥലത്തെത്തി. നായ്ക്കുട്ടിയെ രക്ഷിക്കാൻ നേരത്തെ ശ്രമിച്ചെങ്കിലും ആദ്യം സാധിച്ചില്ല.
ഏകദേശം 25 അടി താഴ്ചയുള്ള കുഴൽക്കിണറിലാണ് നായ്ക്കുട്ടി വീണത്. അഗ്നിശമന സേനാംഗങ്ങൾ ആദ്യം ഒരു കയർ താഴ്ത്തി നായ്ക്കുട്ടിയുടെ കഴുത്തിൽ കുരുക്കിട്ടു. പിന്നീട് അവർ പതുക്കെ നായ്ക്കുട്ടിയെ വലിച്ച് കരക്ക് കയറ്റുകയായിരുന്നു.