ന്യൂഡൽഹി: രാജ്യതലസ്ഥാനത്ത് ലഷ്കറെ തൊയ്ബ ഭീകരാക്രമണത്തിന് പദ്ധതിയിടുന്നതായി രഹസ്യാന്വേഷണ ഏജൻസികളുടെ അതീവ ജാഗ്രതാ നിർദ്ദേശം. ചരിത്രപ്രസിദ്ധമായ ചെങ്കോട്ടയും തിരക്കേറിയ ചാന്ദ്നി ചൗക്ക് മേഖലയിലെ പ്രധാന ക്ഷേത്രങ്ങളുമാണ് ഭീകരർ ലക്ഷ്യമിടുന്നത്.(Terror attack threat in Delhi, Red Fort and temples are targets)
ചാന്ദ്നി ചൗക്കിലെ പ്രമുഖ ആരാധനാലയങ്ങളെ ലക്ഷ്യം വെച്ച് ഐഇഡി ഉപയോഗിച്ചുള്ള സ്ഫോടനത്തിന് ഭീകരർ നീക്കം നടത്തുന്നതായാണ് വിവരം. ഫെബ്രുവരി ആറിന് പാകിസ്താൻ തലസ്ഥാനമായ ഇസ്ലാമാബാദിലെ പള്ളിയിലുണ്ടായ സ്ഫോടനത്തിന് പ്രതികാരം തീർക്കാനാണ് ലഷ്കറെ തൊയ്ബ ഇന്ത്യയിൽ ആക്രമണങ്ങൾ ആസൂത്രണം ചെയ്യുന്നതെന്ന് റിപ്പോർട്ടുകൾ സൂചിപ്പിക്കുന്നു.
ചെങ്കോട്ടയ്ക്ക് പുറമെ രാജ്യത്തെ മറ്റ് പ്രമുഖ തീർത്ഥാടന കേന്ദ്രങ്ങളും ഭീകരസംഘടനയുടെ നിരീക്ഷണത്തിലാണെന്ന് രഹസ്യാന്വേഷണ ഏജൻസികൾ വ്യക്തമാക്കുന്നു. 2025 നവംബർ 10-ന് ചെങ്കോട്ടയ്ക്ക് സമീപമുണ്ടായ കാർ ബോംബ് സ്ഫോടനത്തിന്റെ പശ്ചാത്തലത്തിൽ ഈ ഭീഷണി അതീവ ഗൗരവത്തോടെയാണ് സുരക്ഷാ സേന കാണുന്നത്.
