ന്യൂഡൽഹി: വന്ദേമാതരത്തിലെ എല്ലാ വരികളും ആലപിക്കണമെന്ന കേന്ദ്ര സർക്കാരിന്റെ പ്രോട്ടോക്കോൾ ചോദ്യം ചെയ്ത് സമർപ്പിച്ച ഹർജി സുപ്രീം കോടതി തള്ളി (Vande Mataram Supreme Court Case 2026). ചീഫ് ജസ്റ്റിസ് സൂര്യകാന്ത്, ജസ്റ്റിസുമാരായ ജോയ്മാല്യ ബാഗ്ചി, വിപുൽ എം. പാഞ്ചോലി എന്നിവരടങ്ങിയ ബെഞ്ചാണ് ഹർജി പരിഗണിച്ചത്.
സർക്കുലറിൽ ‘May’ എന്ന വാക്കാണ് ഉപയോഗിച്ചിരിക്കുന്നത്. ഇത് ഒരു നിർദ്ദേശം മാത്രമാണ്. ഇത് പിന്തുടരാത്തവർക്കെതിരെ ശിക്ഷാനടപടികളൊന്നും (Penal Consequences) കേന്ദ്രം നിർദ്ദേശിച്ചിട്ടില്ല.ഹർജിക്കാരന്റെ ആശങ്കകൾ നിലവിൽ അടിസ്ഥാനരഹിതമാണ്. ഏതെങ്കിലും സാഹചര്യത്തിൽ വിവേചനമോ ശിക്ഷാനടപടികളോ ഉണ്ടായാൽ മാത്രം കോടതിയെ സമീപിക്കാവുന്നതാണെന്ന് ബെഞ്ച് വ്യക്തമാക്കി.
ദേശീയഗാനം ആലപിക്കാനുള്ള സ്വാതന്ത്ര്യം പോലെ തന്നെ അത് ആലപിക്കാതിരിക്കാനുള്ള അവകാശവും പൗരനുണ്ടെന്നും കോടതി ഓർമ്മിപ്പിച്ചു.
വന്ദേമാതരത്തിന്റെ 150-ാം വാർഷികത്തോടനുബന്ധിച്ച് 2026 ജനുവരി 28-നാണ് ആഭ്യന്തര മന്ത്രാലയം പുതിയ പ്രോട്ടോക്കോൾ പുറപ്പെടുവിച്ചത്. ബങ്കിം ചന്ദ്ര ചാറ്റർജിയുടെ യഥാർത്ഥ കൃതിയിലെ ആറ് വരികളും ആലപിക്കണമെന്നും ഇതിനായി 3 മിനിറ്റ് 10 സെക്കൻഡ് സമയം നിശ്ചയിക്കുകയും ചെയ്തിരുന്നു. ഈ നിർദ്ദേശത്തിനെതിരെ റസാ അക്കാദമി പ്രസിഡന്റ് മുഹമ്മദ് സയീദ് നൂറിയാണ് കോടതിയെ സമീപിച്ചത്.
News Summary:
The Supreme Court on March 25, 2026, declined to entertain a petition challenging the Ministry of Home Affairs’ circular on the mandatory singing of ‘Vande Mataram’ at schools and official events. A bench led by CJI Surya Kant clarified that the January 28 circular is “purely advisory” and carries no penal threats for non-compliance. The court termed the petition by Muhammed Sayeed Noori as “premature,” noting that the circular uses the word “may” and does not impose a legal obligation. The bench added that judicial intervention would be considered only if individuals face actual discrimination or coercive action based on this advisory.
