ന്യൂഡൽഹി: പശ്ചിമ ഡൽഹിയിലെ സുഭാഷ് നഗർ മേഖലയിൽ ശനിയാഴ്ച പുലർച്ചെയുണ്ടായ വാഹനാപകടത്തിൽ ഡെലിവറി ബോയ് കൊല്ലപ്പെട്ടു (Speeding Car Hits Delivery Boy). പുലർച്ചെ ഏകദേശം 3:00 മണിയോടെയാണ് അമിതവേഗത്തിലെത്തിയ കാർ യുവാവിനെ ഇടിച്ചുതെറിപ്പിച്ചത്. സംഭവസ്ഥലത്തുതന്നെ ഇദ്ദേഹം മരണപ്പെട്ടതായി ഡൽഹി പോലീസ് അറിയിച്ചു.
അപകടമുണ്ടാക്കിയ കാർ പോലീസ് കസ്റ്റഡിയിലെടുക്കുകയും ഡ്രൈവറെ അറസ്റ്റ് ചെയ്യ്തു. ജോലി കഴിഞ്ഞ് മടങ്ങുകയോ ഡെലിവറിക്കായി പോകുകയോ ചെയ്യുന്നതിനിടയിലാണ് അപകടമുണ്ടായതെന്നാണ് പ്രാഥമിക നിഗമനം. സംഭവത്തിൽ പോലീസ് കൂടുതൽ അന്വേഷണം നടത്തിവരികയാണ്. സമീപകാലത്ത് ഡൽഹിയിലെ ദ്വാരകയിൽ ലൈസൻസില്ലാത്ത പ്രായപൂർത്തിയാകാത്ത ആൾ ഓടിച്ച കാറിടിച്ച് ബൈക്ക് യാത്രക്കാരൻ കൊല്ലപ്പെട്ടതിന് പിന്നാലെയാണ് തലസ്ഥാന നഗരിയെ നടുക്കുന്ന മറ്റൊരു അപകടം കൂടി റിപ്പോർട്ട് ചെയ്തിരിക്കുന്നത്. രാത്രികാലങ്ങളിൽ നഗരത്തിൽ അമിതവേഗത്തിൽ വാഹനങ്ങൾ ഓടിക്കുന്നവർക്കെതിരെ കർശന നടപടി വേണമെന്ന ആവശ്യം ഇതോടെ ശക്തമായിട്ടുണ്ട്.
Summary: A delivery boy was killed in West Delhi’s Subhash Nagar after being hit by a speeding car at 3:00 am on Saturday.
