ഹാവേരി: ഹാവേരി ജില്ലയിലെ ബെല്ലിഗട്ടി ഗ്രാമത്തിന് സമീപം തഡാസ പിഎസ് പരിധിയിലുണ്ടായ വാഹനാപകടത്തിൽ ഒരു കുടുംബത്തിലെ നാല് പേർ മരിച്ചു (Haveri road accident). ചാമരാജപേട്ട സ്വദേശികളായ ചന്ദ്രമ്മ (59), മകൾ മീന (38), മീനയുടെ ഭർത്താവ് മഹേഷ് കുമാർ (41), മകൻ ധന്വീർ (11) എന്നിവരാണ് മരണപ്പെട്ടത്.രണ്ട് പേർ സംഭവസ്ഥലത്തും മറ്റ് രണ്ട് പേർ ഹുബ്ബള്ളിയിലെ കിംസ് ആശുപത്രിയിൽ ചികിത്സയിലിരിക്കെയുമാണ് മരിച്ചത്.
ദേശീയ പാത 48ൽ ഹാവേരിയിൽ നിന്ന് ഹുബ്ബള്ളിയിലേക്ക് പോവുകയായിരുന്ന വെള്ള മഹീന്ദ്ര XUV 700 കാർ നിയന്ത്രണം വിട്ട് എതിർദിശയിൽ നിന്ന് വന്ന ടാറ്റ ആൾട്രോസ് കാറുമായി കൂട്ടിയിടിച്ചാണ് അപകടമുണ്ടായത്. ഹുബ്ബള്ളി ഭാഗത്തേക്ക് പോവുകയായിരുന്ന വെള്ള വാഹനം നിയന്ത്രണം വിട്ട് ഡിവൈഡർ ചാടി ഹവേരി-ധാർവാർ അതിർത്തിക്കടുത്ത് ബെംഗളൂരുവിലേക്ക് വരികയായിരുന്ന ചുവന്ന വാഹനവുമായി കൂട്ടിയിടിക്കുകയായിരുന്നുവെന്ന് ഹാവേരി അഡീഷണൽ പോലീസ് സൂപ്രണ്ട് അൻഷുകുമാർ അറിയിച്ചു.
11 വയസ് പ്രായമുള്ള ഒരു കുട്ടി ഉൾപ്പെടെ നാലുപേരാണ് ചുവന്ന വാഹനത്തിൽ ഉണ്ടായിരുന്നത്, എല്ലാവരും അപകടത്തിൽ മരിച്ചു.