മുംബൈ: ഇന്ത്യൻ പ്രീമിയർ ലീഗ് ചരിത്രത്തിലെ ഏറ്റവും വലിയ ഉടമസ്ഥാവകാശ കൈമാറ്റത്തിന് രാജസ്ഥാൻ റോയൽസ് (RR) സാക്ഷ്യം വഹിച്ചു (Rajasthan Royals Sold). അമേരിക്ക ആസ്ഥാനമായുള്ള സംരംഭകൻ കൽ സോമാനി നേതൃത്വം നൽകുന്ന കൺസോർഷ്യം 15,286 കോടി രൂപയ്ക്ക് ഫ്രാഞ്ചൈസിയുടെ 100 ശതമാനം ഓഹരികളും സ്വന്തമാക്കി. ഇതോടെ ഐപിഎൽ ചരിത്രത്തിലെ ഏറ്റവും വിലപിടിപ്പുള്ള ടീമായി രാജസ്ഥാൻ റോയൽസ് മാറി.
വാൾമാർട്ട് കുടുംബത്തിലെ റോബ് വാൾട്ടൺ, എൻഎഫ്എൽ ടീമായ ഡെട്രോയിറ്റ് ലയൺസിന്റെ ഉടമകളായ ഹാംപ് കുടുംബം എന്നിവരുടെ പിന്തുണയോടെയാണ് സോമാനി ഈ നേട്ടം കൈവരിച്ചത്. ഐപിഎൽ 2026 സീസണിന് ശേഷമായിരിക്കും പുതിയ ഉടമകൾ പൂർണ്ണ ചുമതലയേൽക്കുക.
