റായ്പൂർ: പെട്രോൾ പമ്പിൽ പുകവലിക്കുന്നത് തടഞ്ഞ ജീവനക്കാരനോടുള്ള വിരോധത്തിൽ ബൈക്കിന്റെ ഇന്ധന ടാങ്കിലേക്ക് കത്തുന്ന ലൈറ്റർ വലിച്ചെറിഞ്ഞ് തീപിടുത്തമുണ്ടാക്കാൻ ശ്രമിച്ച രണ്ട് യുവാക്കൾ പിടിയിൽ (Raipur Petrol Pump Arson Attempt). റായ്പൂരിലെ ഉർല മേഖലയിലുള്ള സംഗീത ഫ്യൂവൽസ് പെട്രോൾ പമ്പിൽ ഫെബ്രുവരി 18-നാണ് നടുക്കുന്ന ഈ സംഭവമുണ്ടായത്. സിസിടിവി ദൃശ്യങ്ങളുടെ അടിസ്ഥാനത്തിൽ ബീർഗാവ് സ്വദേശി ധർമ്മേന്ദ്ര സിംഗ്, ഇമ്രാൻ ഖുറൈഷി എന്നിവരെ പോലീസ് അറസ്റ്റ് ചെയ്തു.
ബൈക്കിൽ ഇന്ധനം നിറയ്ക്കാനെത്തിയതായിരുന്നു യുവാക്കൾ. ഇതിനിടെ ബൈക്ക് യാത്രക്കാരനോടൊപ്പം ഉണ്ടായിരുന്ന യുവാവ് വാഹനത്തിന് അരികിൽ നിന്നും സിഗരറ്റ് കത്തിക്കാൻ ശ്രമിച്ചത് ജീവനക്കാരൻ തടഞ്ഞു. ഇതിൽ പ്രകോപിതനായ യുവാവ് കയ്യിലിരുന്ന ലൈറ്റർ തുറന്ന പെട്രോൾ ടാങ്കിലേക്ക് വലിച്ചെറിയുകയായിരുന്നു. നിമിഷങ്ങൾക്കകം ടാങ്കിൽ നിന്നും തീ ആളിപ്പടരുകയും ഇന്ധനം നിറയ്ക്കുന്ന നോസിലിലേക്ക് പകരുകയും ചെയ്തു. പെട്രോൾ പമ്പ് ജീവനക്കാരന്റെ അവസരോചിതമായ ഇടപെടലിലൂടെ വൻ ദുരന്തം ഒഴിവായി.
Man lights fire at petrol pump in Raipur. Staff rush to stop disaster…
🚨 CCTV footage shows a man setting fire near a petrol pump nozzle at Sangeeta Fuels, Raipur, Chhattisgarh. Staff acted fast to prevent disaster. Both accused arrested. pic.twitter.com/3r6ey6uFtU— contentkikamii (@contentkikamii) February 20, 2026
തീ പടരുന്നത് കണ്ടയുടനെ ജീവനക്കാരൻ ഇന്ധന വിതരണം നിർത്തലാക്കുകയും ഫയർ എക്സ്റ്റിംഗുഷർ ഉപയോഗിച്ച് തീ അണയ്ക്കുകയും ചെയ്തു. ടാങ്കിൽ നിന്നും തെറിച്ച കത്തുന്ന പെട്രോൾ പ്രതികളുടെ ദേഹത്തും വീണിരുന്നു. സംഭവത്തിന് ശേഷം രക്ഷപ്പെടാൻ ശ്രമിച്ച യുവാക്കളെ പമ്പ് ജീവനക്കാർ പിടികൂടി പോലീസിൽ ഏൽപ്പിക്കുകയായിരുന്നു. പൊതുജനങ്ങളുടെ ജീവന് ഭീഷണിയുണ്ടാക്കിയതിനും മനഃപൂർവ്വം തീപിടുത്തമുണ്ടാക്കാൻ ശ്രമിച്ചതിനും പ്രതികൾക്കെതിരെ ഉർല പോലീസ് കേസ് രജിസ്റ്റർ ചെയ്തു.
Summary: Two men were arrested in Raipur for attempting to set a motorcycle on fire at a petrol pump after being asked not to smoke.
