ബീദർ: ഓൺലൈൻ ഗെയിമുകൾക്ക് അടിമപ്പെട്ട് വൻതുക നഷ്ടമായതിനെത്തുടർന്ന് കർണാടകയിലെ ബീദറിൽ മെഡിക്കൽ വിദ്യാർത്ഥി ആത്മഹത്യ ചെയ്തു. ബീദർ ഇൻസ്റ്റിറ്റ്യൂട്ട് ഓഫ് മെഡിക്കൽ സയൻസസിലെ രണ്ടാം വർഷ എം.ബി.ബി.എസ് വിദ്യാർത്ഥിയായ സുർജിത്ത് കുമാർ ആണ് മരിച്ചത്. ചൊവ്വാഴ്ച ഹോസ്റ്റൽ മുറിയിൽ മരിച്ച നിലയിൽ കണ്ടെത്തിയ സുർജിത്ത് കലബുറഗി സ്വദേശിയാണ്.(Online game turns into a scam, Medical student commits suicide in Karnataka)
പഠനത്തിൽ അതീവ മിടുക്കനായിരുന്ന സുർജിത്ത്, ഓൺലൈൻ ഗെയിമുകൾക്കായി സുഹൃത്തുക്കളിൽ നിന്നും മറ്റും വൻതുക കടം വാങ്ങിയിരുന്നതായി പോലീസ് അറിയിച്ചു. ഈ പണം ഗെയിമിലൂടെ നഷ്ടപ്പെടുകയും തിരികെ നൽകാൻ സാധിക്കാത്ത അവസ്ഥ വരികയും ചെയ്തതാണ് ജീവനൊടുക്കാൻ കാരണമെന്ന് കരുതപ്പെടുന്നു.
സംഭവത്തിൽ ബീദർ പോലീസ് കേസ് രജിസ്റ്റർ ചെയ്ത് അന്വേഷണം ആരംഭിച്ചിട്ടുണ്ട്. സുർജിത്ത് ഉപയോഗിച്ചിരുന്ന ഓൺലൈൻ ഗെയിമിംഗ് ആപ്പുകളെക്കുറിച്ചും ആർക്കൊക്കെയാണ് പണം നൽകാനുണ്ടായിരുന്നതെന്നും പോലീസ് വിശദമായി പരിശോധിച്ചുവരികയാണ്.
