ബെംഗളൂരു : ആർഎസ്എസിൽ നിന്നുള്ള ആരും രാജ്യത്തിന് വേണ്ടി പോരാടിയിട്ടില്ലെന്ന് കർണാടക മുഖ്യമന്ത്രി സിദ്ധരാമയ്യ (Siddaramaiah). രാജ്യത്തിന് വേണ്ടി അവർ ജീവൻ ബലിയർപ്പിച്ചിട്ടില്ല, ജാതി-മതത്തിൻ്റെ പേരിൽ മനുഷ്യരെ ഭിന്നിപ്പിച്ചത് ദൈവമല്ല, മനുസ്മൃതിയാണ് എല്ലാം ചെയ്തതെന്നും സിദ്ധരാമയ്യ പറഞ്ഞു. മനുസ്മൃതിക്ക് അനുകൂലമായതിനാലാണ് ആർഎസ്എസ് ഭരണഘടനയെ എതിർക്കുന്നതെന്നും മുഖ്യമന്ത്രി സിദ്ധരാമയ്യ ചൊവ്വാഴ്ച പറഞ്ഞു.ഭരണഘടന അംഗീകരിച്ചതിൻ്റെ 75-ാം വാർഷികത്തോടനുബന്ധിച്ച് കെപിസിസി ഓഫീസിൽ നടന്ന പരിപാടിയിൽ സംസാരിക്കുകയായിരുന്നു മുഖ്യമന്ത്രി.
നമ്മുടെ രാജ്യത്ത് ഭരണഘടനാ വിരുദ്ധരുണ്ട്. ഇക്കാര്യത്തിൽ നാം ജാഗ്രത പുലർത്തണം. ഹിന്ദു മഹാസഭയുടെ സവർക്കറും ഗോൾവാൾക്കറും ഭരണഘടന നടപ്പാക്കുന്നതിനെ എതിർത്തു. ബിജെപിയുടെ മാതൃ സംഘടനയായ ആർഎസ്എസും നമ്മുടെ ഭരണഘടന നടപ്പാക്കുന്നതിനെ എതിർത്തു. ഭരണഘടന നിലവിൽ വരുന്നതിനുമുമ്പ്, മനുഷ്യരോട് വിവേചനം കാണിക്കുകയും അസമത്വം ആഘോഷിക്കുകയും ശൂദ്ര-ദലിത്-സ്ത്രീകൾക്ക് വിദ്യാഭ്യാസത്തെ എതിർക്കുകയും ചെയ്യുന്ന അലിഖിത മനുസ്മൃതി സമ്പ്രദായം ഇന്ത്യയിലുണ്ടായിരുന്നു. ഭരണഘടനയെ എതിർക്കുന്നവർ ഇപ്പോഴും മനുസ്മൃതി വീണ്ടും നടപ്പാക്കണമെന്ന പ്രചാരണം തുടരുകയാണ്. ഈ ചരിത്രം നാം മറക്കരുത്.- സിദ്ധരാമയ്യ പറഞ്ഞു