അമരാവതി: ആന്ധ്രാപ്രദേശിലെ നെല്ലൂർ ജില്ലയിൽ മറിഞ്ഞ ട്രക്കിൽ നിന്ന് സോഫ്റ്റ് ഡ്രിങ്ക്സ് കുപ്പികൾ മോഷ്ടിക്കാൻ നാട്ടുകാർ മത്സരിച്ചു (Nellore Truck Accident). മദ്യക്കുപ്പികളാണെന്ന് തെറ്റിദ്ധരിച്ചാണ് ആളുകൾ ഓടിക്കൂടിയതെങ്കിലും, പാനീയങ്ങളാണെന്ന് തിരിച്ചറിഞ്ഞിട്ടും ലൂട്ടിംഗ് തുടരുകയായിരുന്നു. അപകടത്തിൽ പരിക്കേറ്റ ഡ്രൈവർ തന്നെ ആശുപത്രിയിലെത്തിക്കാൻ അഭ്യർത്ഥിച്ചിട്ടും ആരും സഹായിക്കാൻ തയ്യാറായില്ലെന്നത് സംഭവത്തിന്റെ ഭീകരത വർദ്ധിപ്പിക്കുന്നു.
തംസ് അപ്പ്, സ്പ്രൈറ്റ് തുടങ്ങിയ പാനീയങ്ങളുമായി പോയ ട്രക്കാണ് അപകടത്തിൽപ്പെട്ടത്. കുപ്പികൾ റോഡിൽ ചിതറി വീണതോടെ മദ്യമാണെന്ന് കരുതി ആളുകൾ കൂട്ടത്തോടെ എത്തുകയായിരുന്നു. ‘ലൂട്ട് ലോ’ (കൊള്ളയടിക്കൂ) എന്ന് വിളിച്ചുപറഞ്ഞുകൊണ്ടാണ് പലരും കുപ്പികൾ വാരിക്കൊണ്ടുപോയത്.
വാഹനം മറിഞ്ഞ് പരിക്കേറ്റ ഡ്രൈവർ സഹായത്തിനായി അഭ്യർത്ഥിച്ചെങ്കിലും അവിടെ കൂടിയവർ കുപ്പികൾ ശേഖരിക്കുന്ന തിരക്കിലായിരുന്നു. ഒടുവിൽ പോലീസ് എത്തിയ ശേഷമാണ് ജനക്കൂട്ടത്തെ ഓടിച്ചുവിട്ടതും ഡ്രൈവറെ ആശുപത്രിയിലേക്ക് മാറ്റിയതും.
സംഭവത്തിന്റെ വീഡിയോ വൈറലായതോടെ ഇന്ത്യയിലെ ജനങ്ങളുടെ പൗരബോധത്തെക്കുറിച്ച് വലിയ വിമർശനങ്ങളാണ് ഉയരുന്നത്. “മനുഷ്യത്വം മരവിച്ച അവസ്ഥയാണിത്,” എന്നും “ഡ്രൈവറെ സഹായിക്കുന്നതിന് പകരം മോഷണം നടത്തുന്നത് ലജ്ജാകരമാണ്” എന്നും സോഷ്യൽ മീഡിയയിൽ കമന്റുകൾ നിറയുന്നു.
കഴിയുന്നത്ര കുപ്പികൾ ചാക്കുകളിലും ബാഗുകളിലുമായി നിറച്ച് കൊണ്ടുപോകുന്നവരുടെ ദൃശ്യങ്ങൾ രാജ്യവ്യാപകമായി ചർച്ചയായിട്ടുണ്ട്. പൗരബോധമില്ലാത്ത ഇത്തരം പ്രവണതകൾക്കെതിരെ കർശന നടപടി വേണമെന്ന ആവശ്യവും ഉയരുന്നുണ്ട്.
Story Summary:
In a shocking incident in Nellore, Andhra Pradesh, a crowd rushed to loot soft drink bottles from a overturned truck, mistaking them for liquor. Reports suggest that the injured truck driver pleaded for help to reach a hospital, but the crowd ignored him to focus on stealing the drinks. The video of the incident went viral, sparking a nationwide debate on the lack of civic sense and humanity, with many criticizing the onlookers for prioritizing theft over saving a life.
