ബെംഗളൂരു: 108 വർഷത്തെ പാരമ്പര്യമുള്ള മൈസൂർ സാൻഡൽ സോപ്പിന്റെ ബ്രാൻഡ് അംബാസഡറായി തെന്നിന്ത്യൻ നടി തമന്ന ഭാട്ടിയ ഔദ്യോഗികമായി ചുമതലയേറ്റു (Mysore Sandal Soap relaunch controversy). കഴിഞ്ഞ വർഷം ഒപ്പിട്ട 6.2 കോടി രൂപയുടെ കരാർ പ്രകാരം 2026 ഫെബ്രുവരി 10 മുതലാണ് തമന്നയുടെ കാലാവധി ആരംഭിക്കുന്നത്. കർണാടക സോപ്സ് ആൻഡ് ഡിറ്റർജന്റ്സ് ലിമിറ്റഡ് നിർമ്മിക്കുന്ന ഈ ഉൽപ്പന്നത്തിന്റെ വിപണി ഉത്തരേന്ത്യയിലേക്കും ആഗോളതലത്തിലേക്കും വ്യാപിപ്പിക്കുന്നതിന്റെ ഭാഗമായാണ് തമന്നയെ തിരഞ്ഞെടുത്തതെന്ന് വ്യവസായ മന്ത്രി എം.ബി. പാട്ടീൽ അറിയിച്ചു. 2030-ഓടെ കമ്പനിയുടെ വാർഷിക വിറ്റുവരവ് 5,000 കോടി രൂപയിലെത്തിക്കുകയാണ് ലക്ഷ്യം.
എന്നാൽ, കർണാടകയുടെ സാംസ്കാരിക അടയാളമായ ഒരു ഉൽപ്പന്നത്തിന് കന്നഡ സംസാരിക്കാത്ത താരത്തെ അംബാസഡറാക്കിയതിനെതിരെ വൻ പ്രതിഷേധമാണ് ഉയരുന്നത്. കർണാടകയിൽ നിന്നുള്ള രശ്മിക മന്ദാന, പൂജ ഹെഗ്ഡെ, ഋഷബ് ഷെട്ടി തുടങ്ങിയ പ്രമുഖ താരങ്ങളെ അവഗണിച്ചാണ് മുംബൈ സ്വദേശിനിയായ തമന്നയെ നിയമിച്ചതെന്ന് ബിജെപിയും കന്നഡ സംഘടനകളും ആരോപിച്ചു. ഇത് കന്നഡികരോടുള്ള അവഗണനയാണെന്ന് ബിജെപി എംപി കെ. സുധാകർ കുറ്റപ്പെടുത്തി. എന്നാൽ തമന്നയുടെ പാൻ-ഇന്ത്യൻ സ്വാധീനവും സോഷ്യൽ മീഡിയയിലെ 28 മില്യണിലധികം വരുന്ന അനുയായികളും ഉൽപ്പന്നത്തിന് വലിയ നേട്ടമുണ്ടാക്കുമെന്നാണ് സർക്കാരിന്റെ വാദം.
Summary: Actress Tamannaah Bhatia has officially begun her tenure as the brand ambassador for Mysore Sandal Soap starting February 10, 2026.
