മൈസൂർ അർബൻ ഡെവലപ്‌മെൻ്റ് അതോറിറ്റി (മുഡ) അഴിമതിക്കേസിൽ ഹൈക്കോടതിയുടെ ഉത്തരവിനോട് പ്രതികരിച്ച് കർണാടക മുഖ്യമന്ത്രി സിദ്ധരാമയ്യ (MUDA Case Latest Updates). ഏത് അന്വേഷണത്തെയും നേരിടാൻ മടിയില്ലെന്നായിരുന്നു അദ്ദേഹം പറഞ്ഞത് .
"അന്വേഷണത്തെ നേരിടാൻ മടിക്കില്ല, നിയമപ്രകാരം അത്തരമൊരു അന്വേഷണം അനുവദിക്കണോ വേണ്ടയോ എന്ന് ഞാൻ വിദഗ്ധരുമായി ആലോചിക്കും. നിയമവിദഗ്ധരുമായി ചർച്ച ചെയ്ത് പോരാട്ടത്തിൻ്റെ രൂപരേഖ തീരുമാനിക്കും. .അടുത്ത ദിവസങ്ങളിൽ സത്യം പുറത്തുവരുമെന്നും 17എ പ്രകാരമുള്ള അന്വേഷണം റദ്ദാക്കുമെന്നും എനിക്ക് ഉറപ്പുണ്ട്- സിദ്ധരാമയ്യ പറഞ്ഞു .
സംസ്ഥാനത്തെ ജനങ്ങൾ തനിക്ക് പിന്നിലുണ്ടെന്നും അവരുടെ അനുഗ്രഹമാണ് തൻ്റെ സംരക്ഷണമെന്നും അദ്ദേഹം കൂട്ടിച്ചേർത്തു.
"ഞാൻ നിയമത്തിലും ഭരണഘടനയിലും വിശ്വസിക്കുന്നു. ഈ പോരാട്ടത്തിൽ സത്യം വിജയിക്കും. നരേന്ദ്ര മോദിയുടെ നേതൃത്വത്തിലുള്ള ബിജെപി സർക്കാരിൻ്റെ പ്രതികാര രാഷ്ട്രീയത്തിനെതിരായ പോരാട്ടമാണിത്. ബിജെപിയുടെയും ജെഡിഎസിൻ്റെയും ഈ പ്രതികാര രാഷ്ട്രീയത്തിനെതിരായ ഞങ്ങളുടെ ജുഡീഷ്യൽ പോരാട്ടം തുടരും. എനിക്ക് വിശ്വാസമുണ്ട്. കോടതിയിൽ ഞങ്ങളുടെ പാർട്ടിയുടെയും കോൺഗ്രസ് ഹൈക്കമാൻഡിൻ്റെയും എല്ലാ എംഎൽഎമാരും നേതാക്കളും പ്രവർത്തകരും എനിക്കൊപ്പം നിൽക്കുകയും നിയമത്തിനായുള്ള പോരാട്ടം തുടരാൻ എന്നെ പ്രോത്സാഹിപ്പിക്കുകയും ചെയ്തു- അദ്ദേഹം കൂട്ടിച്ചേർത്തു .