ചെന്നൈ: ഡിസംബർ 25, 26 തീയതികളിൽ തമിഴ്നാട്ടിൽ ശക്തമായ മഴയ്ക്ക് സാധ്യതയുണ്ടെന്ന് കേന്ദ്ര കാലാവസ്ഥാ വകുപ്പിൻ്റെ മുന്നറിയിപ്പ് (Heavy Rain Alert in Tamil Nadu).തെക്ക് പടിഞ്ഞാറൻ ബംഗാൾ ഉൾക്കടലിൽ നിലനിന്നിരുന്ന ന്യൂനമർദം ദുർബലമാവുകയും ആഴത്തിലുള്ള ന്യൂനമർദമായി മാറുകയും ചെയ്തു. തുടർന്ന്, ന്യൂനമർദ്ദം കൂടുതൽ ദുർബലമാവുകയും മധ്യ പശ്ചിമ ബംഗാൾ മേഖലയിൽ വ്യാപിക്കുകയും ചെയ്യുന്നു. ആഴത്തിലുള്ള ന്യൂനമർദം നാളെ (ഡിസംബർ 23) വടക്കൻ തമിഴ്‌നാടിൻ്റെ തീരപ്രദേശങ്ങളെ സമീപിക്കും-കാലാവസ്ഥാ വകുപ്പ് പുറത്ത്‌വിട്ട പ്രസ്താവനയിൽ പറയുന്നു.
ഇതുമൂലം ഡിസംബർ 25, 26 തീയതികളിൽ തമിഴ്നാട്ടിൽ ശക്തമായ മഴയ്ക്ക് സാധ്യതയുണ്ട്. നാളെ മുതൽ ഡിസംബർ 26 വരെ തമിഴ്‌നാടിൻ്റെ വടക്കൻ തീരദേശ ജില്ലകളിൽ ശക്തമായ മഴയ്ക്ക് സാധ്യതയുണ്ട്. ചെന്നൈയിലും പ്രാന്തപ്രദേശങ്ങളിലും ഇന്നും നാളെയും ആകാശം മേഘാവൃതമായിരിക്കും, ചിലയിടങ്ങളിൽ മിതമായ മഴയ്‌ക്കും സാധ്യതയുണ്ടെന്നും കാലാവസ്ഥാ വകുപ്പിന്റെ മുന്നറിയിപ്പിൽ പറയുന്നു.
തമിഴ്‌നാടിൻ്റെ വടക്കൻ ജില്ലകളുടെ തീരപ്രദേശങ്ങളിലും തെക്കൻ ആന്ധ്രാപ്രദേശിൻ്റെ തീരപ്രദേശങ്ങളിലും മധ്യ പടിഞ്ഞാറൻ, തെക്കുപടിഞ്ഞാറൻ ബംഗാൾ ഉൾക്കടലിലും ചുഴലിക്കാറ്റ് വീശാൻ സാധ്യതയുണ്ട്. മത്സ്യത്തൊഴിലാളികൾ ഈ പ്രദേശങ്ങളിൽ മത്സ്യബന്ധനത്തിന് പോകരുതെന്നും കാലാവസ്ഥാ വകുപ്പ് അറിയിച്ചു.